Կարտոֆիլով բլիթներ. Պարզապես քերեք կարտոֆիլը և կպատրաստեք ամենապարզ ու հագեցնող ուտեստը

Կարտոֆիլով բլիթներ կարող եք պատրաստել ամեն առիթով, ցանկացած խավարտի հետ:

Կարող եք սրանք պատրաստել նույնիսկ երբ շատ քիչ ժամանակ ունեք կամ ցանկանում եք որևէ պարզ ու համեղ կերակուր մատուցել ընտանիքին:

Ժամանակին այս բանջարեղենը հասարակ մարդկանց պարտադրվել է ազնվականների կողմից: Իսկ այժմ դժվար է պատկերացնել կյանքն առանց կարտոֆիլի։ Բացի այդ, դրա պատրաստման հարյուրավոր մատչելի տարբերակներ կան:

Մենք կներկայացնենք կարտոֆիլով բլիթների հագեցնող տարբերակներից մեկը։

Կարտոֆիլով բլիթներ. Բաղադրիչներ

_ սոխ — 1 հատ

_ մայոնեզ — 3 թեյի գդալ

_ կարտոֆիլ — 6 հատ

_ սխտոր — 2 պճեղ

_ ձու — 3 հատ

_ պանիր — 100 գ

_ ալյուր — 3 ճաշի գդալ

Կարտոֆիլով բլիթներ. Պատրաստման եղանակը

_ Երկու ձու պետք է նախապես եփել, սառեցնել և մաքրել կեղևը։ Սոխը կտրատել օղակի քառորդ մասով, կեղևահան արված կարտոֆիլը խոշոր քերիչով քերել։

_ Կարտոֆիլն ու սոխը միացնել, ձուն ջարդել զանգվածի մեջ, ըստ ճաշակի ավելացնել աղ ու սև պղպեղ։

_ Կարտոֆիլի խառնուրդը մանրակրկիտ խառնել, մեջը մաղել ալյուրը, մի տեսակ խմոր հունցել։

_ Եփած ձուն և պանիրը մանր քերիչով մանրացնել, խառնել մայոնեզի հետ և խառնել։

_ Ճզմիչով անցած սխտորի պճեղներն ավելացնել խառնուրդի մեջ։

_ Կարտոֆիլի խմորից փոքրիկ բլիթներ կազմել։

_ Կարտոֆիլի բլիթները տապակել բուսայուղով տապակի մեջ, երկու կողմից մինչև ոսկե դարչնագույնը:

_ Երբ բլիթի մի կողմը տապակվի, կարելի է վրան դնել պանրի զանգվածը։

_ Կափարիչով ծածկել տապակը, կարտոֆիլի բլիթները եփում ենք մարմանդ կրակի վրա 5 րոպե։

_Հալած պանիրը տապակած կարտոֆիլի հետ համակցված, տալիս է շատ համեղ արդյունք։

Մատուցելիս կարելի բլիթների վրա կտրատած կանաչիներ ցանել։

Բարի ախորժակ:

Տեսանյութ

Կարտոֆիլը ջեռոցում