Կարտոֆիլով բլիթներ. Համեղ լցոնով փափուկ կարկանդակներ

Կարտոֆիլով բլիթներ նուրբ միջուկով:

Կարտոֆիլն ավելացնում ենք խմորին և ստանում փափուկ ու փարթամ կարկանդակներ։ Ընտրեք միջուկը, ինչպես առաջարկում ենք բաղադրատոմսում կամ պատրաստեք ձեր նախընտրածը:

Կարտոֆիլով բլիթներ. Անհրաժեշտ բաղադրիչները

_Եփած կարտոֆիլ 4 հատ

_Կարտոֆիլի արգանակ 200 մլ

_Շաքարավազ 1 ճաշի գդալ

_Չոր խմորիչ 8 գր

_Ձու 1 հատ

_Աղ 1 թեյի գդալ

_Ալյուր 550 գր

_Բուսական յուղ 50 գր

Միջուկը պատրաստելու համար

_Կանաչ սոխ 1 փունջ

_Կանաչի՝ ըստ ճաշակի

_Խաշած ձու 4 հատ

_Կարագ 40 գր

_Աղ պղպեղ՝ ըստ ճաշակի

Կարտոֆիլով բլիթներ. Պատրաստման եղանակը

_Միջուկի համար ձվերը կանաչ սոխի և կանաչիների հետ մանր կտրատել, խառնել և լցնել հալած կարագի վրա, համեմել աղ և պղպեղով, խառնել։

_Կարտոֆիլը եփել, արգանակը քամել առանձին ամանի մեջ, սառեցնել մինչև գոլ վիճակ։

_Կարտոֆիլը վերածել պյուրեի ու խառնել արգանակի, աղի հետ, ավելացնել շաքարավազը, խմորիչը, խառնել։

_Ավելացնել ձուն և շարունակել խառնել։

_Լցնել մաղած ալյուրը և հունցել փափուկ խմոր, լցնել բուսայուղը և խառնել խմորին։

_Ծածկել և թողնել տաք տեղում 1 ժամ։

_Միջուկով կարկանդակներ կազմել և մարմանդ կրակի վրա տապակել բուսայուղի մեջ, մինչև ոսկե դարչնագույնը։

Այս բաղադրատոմսը լավն է, քանի որ խմորը միշտ հիանալի է ստացվում, այն համադրվում է տարբեր միջուկների հետ, տապակելիս շատ յուղ չի կլանում։

Բարի ախորժակ:

Տեսանյութ

Կարկանդակ ջեռոցում   Կարտոֆիլով կարկանդակ