Այսպիսի համեղ մսով լցված կարտոֆիլով գնդիկները խրթխրթան կեղևով ոչ միայն հիանալի նրբություն են, այլև օրիգինալ տոնական ուտեստ, խնջույքի և պիկնիկի տանելու տարբերակ:
Գնդիկների ներսում կարող եք լցնել տարբեր միջուկներ, նույնիսկ միայն աղ արած կանաչի և դուք կստանաք շատ համեղ խորտիկ։
Կարտոֆիլով գնդիկներ. Անհրաժեշտ բաղադրիչները
_Հավի միս 300 գր
_Կարտոֆիլ 3 հատ
_Սոխ 1 հատ
_Խոզապուխտ 80 գր
_Կանաչի 70 գր
_Աղ, պղպեղ, համեմունքներ՝ ըստ ճաշակի
_Ձու թաթախելու համար՝ 3 հատ
_Պաքսիմատ 200 գր
_Ալյուր՝ մոտ 100 գր
Կարտոֆիլով գնդիկներ. Պատրաստման եղանակը
_Կարտոֆիլը եփել աղ արած ջրի մեջ։
_Առանձին հավի միսը եփել աղ արած ջրի մեջ ավելացնելով համեմունքներ։
_Սոխը մանր կտրատել և տապակել բուսայուղի մեջ մինչև փափկի։
_Կարտոֆիլը վերածել խյուսի և խառնել սոխի հետ։
_Սառելուց հետո միսը մանր կտրատել, ավելացնել կարտոֆիլի պյուրեին։
_Կանաչիները, խոզապուխտը մանր կտրատել ու ավելացնել խյուսին։
_Զանգվածը համեմել աղով, պղպեղով, և համեմունքներով ըստ ճաշակի։
_Զանգվածից ընկույզի չափ փոքրիկ գնդիկներ կազմել։
_Ձվերը հարել աղով և պղպեղով։
_Սկզբում գնդիկները թաթախել ալյուրի մեջ, ապա ձվի, հետո պաքսիմատի մեջ։
_Տապակել բուսայուղի մեջ բոլոր կողմերից, մինչև ոսկե դարչնագույնը:
_Մատուցելիս կարելի է նաև վրան ցանել մանր կտրատած սխտոր՝ խառնած կանաչիների և քերած պանրի հետ։
Բարի ախորժակ:
Տեսանյութ
Տապակած պանիր
