Կարտոֆիլով կարկանդակ աղացած մսով. Շատ հագեցնող և հյութալի ուտեստ
Անգամ ամենաքմահաճ հյուրը կգնահատի այս ուտեստը: Ստացվում է շատ համեղ ու հետաքրքիր կարկանդակ:
Եթե երբեևէ չեք փորձել ինքներդ նման համեղ և հյութալի ուտեստ պատրաստել, որովհետև մտածել եք, թե դրա համար հատուկ ունակություններ են պետք, ապա անպայման փորձեք և կհամոզվեք, որ ամեն ինչ շատ հեշտ է:
Պատրաստեք և հաճույք պատճառեք ինքներդ ձեզ և ձեր սիրելիներին:
Содержание
Կարտոֆիլով կարկանդակ աղացած մսով. Անհրաժեշտ բաղադրիչներ
- Կարտոֆիլ 1 կգ
- Ձու 5 հատ
- Աղացած տավարի միս 300 գ
- Բուսական յուղ 50 մլ
- Սխտոր 4 պճեղ
- Ուրց 1 թեյի գդալ
- Չիլի պղպեղ 1 թեյի գդալ
- Աղ 1,5 թեյի գդալ
- Չեդեր պանիր 100 գր
Կարտոֆիլով կարկանդակ աղացած մսով Պատրաստման եղանակը
- Նախ կարտոֆիլը կտրել փոքր խորանարդներով, ապա տապակել միջին կրակի վրա՝ բուսական յուղի հավելումով: Տապակած փափուկ կարտոֆիլը տեղափոխել խորը ամանի մեջ:
- Աղացած միսը լցնել նույն տապակի մեջ, ավելացնել մամլիչով անցած սխտորը, խառնել ու տապակել այնքան ժամանակ, մինչև աղացած միսը մգանա: Դրանից հետո ավելացնել աղ, չիլի պղպեղ, ուրց, խառնել:
- Ձվերը կոտրել ամանի մեջ, ավելացնել աղ, թեթևակի հարել և լցնել այս խառնուրդը տապակած կարտոֆիլի մեջ: Լավ խառնել զանգվածը:
- Ձվով կարտոֆիլի կեսը լցնել տապակի մեջ, հավասարաչափ տարածել ամբողջ մակերևույթի վրա, վրան լցնել մի փոքր քերած պանիր, դրա վրա համաչափ տարածել տապակած աղացած միսը:
- Մսի վրա լցնել քերած պանիր և ծածկել տապակած կարտոֆիլի շերտով:
- Տապակը դնել վառարանի վրա, միջին կրակով տապակել կափարիչով ծածկած:
- Մի կողմից տապակել, այնուհետև շրջել մյուս կողմը և նույնպես տապակել:
Կարտոֆիլով կարկանդակը աղացած մսով պատրաստ է: Ստացվում է իսկական խոհարարական գլուխգործոց, օրիգինալ ու անզուգական ուտեստ: Ուղղակի հեքիաթ է:
Բարի ախորժակ
Տեսանյութ
Մսով կարկանդակ