Կարտոֆիլով կարկանդակ աղացած մսով. Ջեռոցում պատրաստենք համեղ ուտեստ
Երբեմն ունես շատ քիչ ժամանակ, որ ուտելիք պատրաստես, ու նույնիսկ չես կողմնորոշվում, թե ինչ կարելի անել: Նման դեպքերի համար կարելի է ձեռքի տակ ունենալ բաղադրատոմսեր, որոնք կախարդական փայտիկի պես կօգնեն բարդ վիճակում:
Վառարանում աղացած մսով, կարտոֆիլով կարկանդակը նման մի հնար է: Պատրաստման քայլերը պարզ են, իսկ բաղադրիչները կարելի է գտնել ցանկացած խոհանոցում:
Դե, ո՞վ կհրաժարվի նման մսով կարկանդակից:
Содержание
Կարտոֆիլով կարկանդակ. Անհրաժեշտ բաղադրիչներ
- Մայոնեզ 200 գ
- Կեֆիր 4 ճաշի գդալ
- Փխրեցուցիչ 2 թեյի գդալ
- Ցորենի ալյուր 500 գ
- Կարագ 150 գ
- Աղ 1,5 թեյի գդալ
- Աղացած տավարի միս 200 գ
- Սոխ 2 հատ
- Կարտոֆիլ 2 հատ
- Ջուր 4 ճաշի գդալ
- Արևածաղկի ձեթ 3 ճաշի գդալ
- Զիրա(չաման)՝ ըստ ճաշակի
- Ձվի դեղնուց 1 հատ
- Կաթ 1 թեյի գդալ
- Քնջութ ՝ ըստ ճաշակի
Կարտոֆիլով կարկանդակ. Պատրաստման եղանակը
- Առաջին քայլը խմոր պատրաստելն է: Խորը տարայի մեջ մայոնեզը խառնել փխրեցուցիչի հետ, ավելացնել կեֆիր, խառնել: Առանձին ամանի մեջ կարագը քերել ալյուրի վրա խոշոր քերիչով:
- Ալյուրն ու կարագը տրորել, ավելացնել 1,5 թեյի գդալ աղ, դրանից հետո լցնել մայոնեզ-կեֆիր զանգվածն ալյուրի մեջ: Հունցել փափուկ խմոր: Բաժանել 2 գնդի:
- Փաթաթել դրանք տոպրակների մեջ և դնել սառնարանում: Խմորը պատրաստ կլինի 40 րոպե հետո: Այդ ընթացքում պատրաստեք միջուկը:
- Աղացած միսը ամանի մեջ խառնել մանր կտրատած կարտոֆիլով, ավելացնել մանրացված սոխը: Լցնել աղը, ավելացնել մի փոքր չաման, ջուր և բուսական յուղ, խառնել:
- Ալյուր ցանած սեղանին խմորի գնդիկներից մեկը գրտնակել մոտ 5 մմ հաստությամբ շերտով: Դնել 25 x 15 սմ ձևամանի մեջ: Կտրել դուրս մնացող եզրերը: Դրանք պետք կգան ձևավորման համար:
- Լցնել և հարթեցնել միջուկը: Նույն կերպ գրտնակել խմորի երկրորդ գունդը: Ծածկել մսի միջուկը ստացված շերտով: Երկու շերտերի եզրերը միասին ամրացնել: Խմորի մնացած մասից պատրաստեք հյուսք: Դնել այն կարի երկայնքով: Կարող եք շերտեր պատրաստել պատառաքաղով, իսկ վերևը զարդարել քնջութի սերմերով: Բայց նախապես, խմորի վրա քսել կաթով խառնած դեղնուց:
- Թխել կարկանդակը 35–40 րոպե 170 աստիճան տաքացրած ջեռոցում: Պատրաստի ջեռեփուկը թող 10 րոպե սառչի, կտրել քառակուսիներով և մատուցել:
Կարտոֆիլով կարկանդակը պատրաստ է:
Բարի ախորժակ:
Տեսանյութ
Կարտոֆիլով ջեռեփուկ