Կարտոֆիլով կարկանդակ. Յուրահատուկ համով փետուրի պես քնքուշ ու նուրբ խմորով համեղ ուտեստ

Առաջարկում ենք Կարտոֆիլով կարկանդակ պատրաստելու համար մածունով խմորի նոր եղանակ:

Մածունը կամ Կեֆիրը բավականին յուրօրինակ կաթնամթերքներ են։ Ապացուցվել է, որ դրանք շատ օգտակար են ստամոքսի համար։ Մենք կօգտագործենք մածունն ու կպատրաստենք շատ համեղ ու մատչելի բաղադրիչներով փափուկ կարկանդակներ:

Կարտոֆիլով կարկանդակ. Բաղադրությունը

_ մածուն (կեֆիր) — 250 մլ

_ աղ — 2 պտղունց

_ ալյուր — 400 գ

_ դափնու տերև — 2 հատ

_ թթվասեր — 2 ճաշի գդալ

_ կարագ — 2 ճաշի գդալ

_ դեղնուց — 1 հատ

_ սերուցք — 100 մլ

_ շաքարավազ — 1 ճաշի գդալ

_ սոխ — 2 հատ

_ փխրեցուցիչ — կես թեյի գդալ

_ կարտոֆիլ — 1 կգ

_ սոդա — կես թեյի գդալ

_ բուսական յուղ — 1 ճաշի գդալ

Կարտոֆիլով կարկանդակ. Պատրաստման եղանակը

_ Մաքրած կարտոֆիլը խաշել ջրի մեջ՝ մի պտղունց աղով և դափնու տերևներով, մինչև փափկի:

_ Այդ ընթացքում սոխը կտրատել փոքր խորանարդիկներով, լցնել թավայի մեջ և ձեթով տապակել մինչև ոսկե դարչնագույնը:

_ Կարտոֆիլը եփելուց հետո տրորել։

_ սերուցքը կաթսայի մեջ տաքացնել, լցնել խյուսի մեջ, կարագն ու տապակած սոխը նույնպես լցնել մեջը։ Բաղադրիչները խառնել, ստանալ համասեռ զանգված, որպեսզի միջուկն ավելի համաչափ համ ունենա։

_ Բաժակի մեջ դեղնուցին ավելացնել կեֆիրը, թթվասերը և լավ խառնել։ Ալյուրը մաղել, մեջը լցնել փխրեցուցիչը, սոդան, աղն ու շաքարը։

_ Ձվի խառնուրդի մեջ լցնել բուսական յուղ, աստիճանաբար ավելացնել սորուն մթերքներին, խմոր հունցել։

_ Ձևավորված խմորի գնդիկը բաժանել 12 նույնական մասերի: Խմորի կտորները գրտնակել 12-13 սմ տրամագծով կլոր բլիթներով, յուրաքանչյուր շերտի մեջտեղում լցնել միջուկը, փակել այն խմորի եզրերով։

_ Տաք բուսայուղով տապակի մեջ կարկանդակները տապակել մինչև ոսկեգույն դառնալը։

Նման կարկանդակների առավելությունն այն է, որ խմորը եթերային է և բարակ, իսկ դրա ներսում առատ միջուկ կա, որը հյութալի է ու համեղ։

Բարի ախորժակ:

Տեսանյութ