Կարտոֆիլով կոտլետներ. Հիանալի խորտիկ ճաշի կամ ընթրիքի համար

Կարմիր սոխով և կարտոֆիլով կոտլետները թարմ, ամառային լոլիկով աղցանի հետ լիարժեք, համեղ և հագեցնող ճաշ կամ ընթրիք է:

Կարտոֆիլով կոտլետներ. Անհրաժեշտ բաղադրիչները

_Կարտոֆիլ 3 հատ

_Սոխ 1 հատ

_Գազար 1 հատ

_Պանիր 100 գր

_Ալյուր 4 ճաշի գդալ

_Ձու 3 հատ

_Պաքսիմատ 100 գր

_Աղ, պղպեղ, անուշաբույր կանաչիներ և համեմունքներ՝ ըստ ճաշակի

Աղցան պատրաստելու համար ձեզ հարկավոր է

_Սովորական կամ չերի լոլիկ՝ ըստ ճաշակի

_Կանաչի՝ ըստ ճաշակի

_Պարմեզան կամ ցանկացած պանիր

_Բուսական յուղ՝ ըստ ճաշակի

Կարտոֆիլով կոտլետներ. Պատրաստման եղանակը

_Կարտոֆիլը և գազարը կտրատել կտորներով, եփել աղ արած ջրի մեջ:

_Կտրել սոխը բարակ կիսաօղակներով:

_Քերել պանիրը միջին քերիչով։

_Սոխը տապակել բուսայուղի մեջ։

_Եփած գազարն ու կարտոֆիլը քերել խոշոր քերիչով։

_Կանաչիները մանր կտրատել, խառնել կարտոֆիլի և գազարի զանգվածին:

_Պանիրն ավելացնել սոխին, խառնել, իսկ երբ սկսի հալվել, մեջը լցնել հիմնական զանգվածը, խառնել։

_Ավելացնել ալյուրը և լավ խառնել։

_Ձեռքերին բուսայուղ քսել, զանգվածից բաժիններ վերցնել և կլոր կամ երկարավուն կոտլետներ ձևավորել։

_Ձվերին աղ, պղպեղ անել և հարել, կարելի է անուշաբույր կանաչիներ ավելացնել:

_Թաթախել յուրաքանչյուր կոտլետը ձվի զանգվածի մեջ, որից հետո թաթախել պաքսիմատի և տապակի մեջ տապակել բուսայուղով։

_Այսպիսի ախորժելի և հագեցնող, շատ համեղ խորտիկի համար պատրաստել լոլիկով աղցան, և տնական՝ սխտորով կծու սոուսներ։

Բարի ախորժակ:

Տեսանյութ

Կարտոֆիլ ջեռոցում