Կարտոֆիլով ուտեստ. Տպավորիչ համեղ միջուկով տաք ուտելիք

Այս Կարտոֆիլով ուտեստը իրականում շատ տպավորիչ, համեղ և հագեցնող է ստացվում։

Նման տաք նախուտեստը տեղին կլինի ցանկացած տոնական սեղանի վրա։ Ուտեստի հիմքը կարտոֆիլի պյուրեն է, միջուկը՝ մսով և պղպեղով, իսկ վրան պանրային կեղև։

Կարտոֆիլով ուտեստ. Անհրաժեշտ բաղադրիչները

_Կարտոֆիլ 1 կգ

_Կարագ 70 գր

_Օսլա 1 ճաշի գդալ

_Ձու 2 հատ

_Աղ, պղպեղ, համեմունքներ՝ ըստ ճաշակի

Միջուկի համար

_Ցանկացած միս 300 գր

_Սոխ 2 հատ

_Սխտոր 2 պճեղ

_Քաղցր պղպեղ 1 հատ

_Աղ, պղպեղ, համեմունքներ՝ ըստ ճաշակի

_Կանաչիներ՝ ըստ ճաշակի

Լցոնի համար

_Ձու 1 հատ

_Թթվասեր 100 գր

_Աղ, քրքում, պղպեղ, համեմունքներ՝ ըստ ճաշակի

_Կանաչիների խառնուրդ՝ ըստ ճաշակի

_Պանիր 100 գր

Կարտոֆիլով ուտեստ. Պատրաստման եղանակը

_Կարտոֆիլը եփել և տրորել կարագով և տարբեր համեմունքներով՝ ըստ ձեր ցանկության։

_Սոխը կտրատել խորանարդներով և տապակել, մինչև փափկի, ավելացնել մանր կտրատած սխտորը, տապակել։

_Ավելացնել քաղցր պղպեղի կտորները և եփել բանջարեղենը, մինչև կիսով չափ եփվի:

_Ավելացնել  մանր կտրատած միսը խառնել և եփել։

_Մսին աղ, պղպեղ անել և համեմել տարբեր համեմունքներով, թողնել սառչի:

_Խառնել լցոնի բոլոր բաղադրիչները:

_Կարտոֆիլի պյուրեին ավելացնել օսլա և խառնել։

_Ջեռոցի տապակը ծածկել յուղաթղթով և ճաշի գդալով տարածել պյուրեով «փչակներ»։

_Կարտոֆիլի զանգվածը կարելի է նաև քամել խոհարարական տոպրակի կտրված անկյունով՝ բնիկի տեսքով։

_Յուրաքանչյուրի մեջտեղում բաժակի հատակով մի փոքր սեղմել, փոսիկ անել։

_Փոսիկի մեջ դնել միջուկը, վրան լցնել լցոնը և ցանել քերած պանիր։

_Թխել 180 աստիճանով մոտ 15 րոպե, բայց դա՝ ըստ ջեռոցի, պետք է «բույնը» կարմրի, միջուկը լավ թխվի և պանիրը հալվի։

Այս չափաբաժիններով տաք ուտեստը պարզապես հիանալի տարբերակ է նույնիսկ տոնական սեղանի համար։

Բարի ախորժակ:

Տեսանյութ

Կարտոֆիլ ջեռոցում մեքսիկական տարբերակով