Առաջարկում ենք պարզ, բայց շատ օրիգինալ ուտեստի՝ Կարտոֆիլով պելմենի բաղադրատոմս, որը ձեզ անպայման դուր կգա։
Այս կերակուրը կարող է լինել և՛ ճաշ, և՛ լիարժեք ընթրիք։
Կարտոֆիլով պելմենի. Անհրաժեշտ բաղադրիչները
_Ջուր 120 մլ
_Ալյուր 200 գր
_Աղ 0,5 թեյի գդալ
_Քրքում՝ ըստ ճաշակի
_Բուսական յուղ 1 ճաշի գդալ
_Կարտոֆիլ 500 գր
_Սոխ 1 հատ
_Օրեգանո, պապրիկա, զիրա և այլ համեմունքներ՝ ըստ ճաշակի
Կարտոֆիլով պելմենի. Պատրաստման եղանակը
_Ալյուրը խառնել աղի և քրքումի հետ, լցնել տաք ջուրը և խառնել։
_Լցնել բուսայուղը և հունցել առաձգական ու փափուկ խմոր։
_Ծածկել և խմորը թողնել 20 րոպե։
_Սոխը կտրատել խորանարդներով և տապակել բուսայուղի մեջ, համեմել աղով ու պղպեղով, ավելացնել մի քիչ շաքարավազ և համեմունքներ՝ ըստ ճաշակի։
_Քերել կարտոֆիլը խոշոր քերիչով, քամել հյութը և խառնել սոխի և մանր կտրատած կանաչիների հետ՝ ըստ ցանկության։
_Խմորը ալյուր ցանած տախտակի վրա գրտնակել բարակ շերտով։
_Պատրաստել լցոնած խինկալի կամ պելմենի: Ձևը նշանակություն չունի, կարող եք ձևավորել ինչպես ցանկանում եք։
_Պելմենին տապակել բուսայուղով տապակի մեջ՝ կափարիչով ծածկված, ցածր ջերմության վրա, մինչև ոսկե դարչնագույնը յուրաքանչյուր կողմից:
_Տապակի մեջ լցնել տաք ջուր, ծածկել կափարիչով և եփել մոտ 20 րոպե։
_Մատուցել կանաչիներով, մանր կտրատած սխտորով և թթվասերային սոուսով։
Բարի ախորժակ:
Տեսանյութ
Համեղ պելմենի հեշտ տարբերակով
