Կարտոֆիլով պելմեններ. Յուրահատուկ համով հետաքրքիր ուտեստը կհագեցնի ու բավականություն կպատճառի ձեզ

Տնական բաղադրատոմսերից մեկը, որը փոխանցվում է սերնդեսերունդ, կարտոֆիլով պելմեններն են։

Հում կարտոֆիլը պելմենները շատ ավելի համեղ և հագեցնող է դարձնում, քան կարտոֆիլի պյուրեն: Նման ուտեստը հիանալի այլընտրանք կլինի պահքի օրերին, քանի որ այն շատ ավելի հետաքրքիր է, քան մսային պելմենին։

Եթե ​​դուք տապակեք դրանք, ապա գարեջրի համար կստանաք շատ համեղ ու խրթխրթան խորտիկ: Խորհուրդ ենք տալիս միջուկի համար չխնայել սոխը և պղպեղը։

Կարտոֆիլով պելմեններ. Բաղադրիչներ

_Կարտոֆիլ 600 գ

_Ցորենի ալյուր 500 գ

_Սոխ 3 հատ

_Սխտոր 3 պճեղ

_Ձիթապտղի յուղ 5 ճաշի գդալ

_Ջուր 250 մլ

_Աղ՝ ըստ ճաշակի

_Սև պղպեղ (աղացած)՝ ըստ ճաշակի

_Դափնու տերև 2 հատ

_Բուրավետ պղպեղ՝ ըստ ճաշակի

Կարտոֆիլով պելմեններ. Պատրաստման եղանակը

_Լուծել 1 թեյի գդալ աղ 250 մլ տաք ջրի մեջ։ Ալյուրը վրան մաղել և լցնել 2 ճաշի գդալ ձիթայուղ:

_Գդալով լավ խառնել, ապա ձեռքերով խմոր հունցել։ Փաթաթել սննդի թաղանթով և թողնել 30 րոպե։

_Սոխը մանր կտրատել և տապակել ձիթապտղի յուղի մեջ մինչև ոսկե դարչնագույնը:

_Մաքրած կարտոֆիլը քերել խոշոր քերիչով և քամել հեղուկը։

_Խառնել տապակած սոխի կեսի հետ, աղ և պղպեղ անել ըստ ճաշակի։ Սխտորը ճզմել և ավելացնել զանգվածին։

_Խմորը երկարացնել պարանի նման, կտրատել կտորներով և գրտնակել կլոր բլիթների տեսքով:

_Որպեսզի պելմենները նույն չափի լինեն, ընդհանուր խմորը գրտնակել 2 մմ հաստությամբ մեծ շերտով և բաժակով կտրել հավասար օղակներ։

_Յուրաքանչյուր բլիթի կենտրոնում դնել միջուկը և պատրաստել պելմեններ։

_Կաթսայի մեջ ջուրը եռացնել, աղը՝ ըստ ճաշակի, ավելացնել բուրավետ պղպեղը և դափնու տերևը։

_Ջրի մեջ լցնել պելմենները և եփել ջրի երես դուրս գալուց հետո 5 րոպե:

_Մատուցել մնացած տապակած սոխի, պասային մայոնեզի հետ կամ սոյայի սոուսով:

Կարտոֆիլով պելմենները հավասարապես լավն են թե տաք, թե սառը վիճակում: Զարմանալի է, թե ինչպես են այսօր ակտուալ դառնում «բյուջետային» անցյալի մոռացված ուտեստները։

Բարի ախորժակ:

Տեսանյութ

Համեղ պելմենի