Կարտոֆիլով պիցցա. Համեղ ու հագեցնող նախաճաշ պատրաստեք պարզ մթերքներից ու շատ կարճ ժամանակում

Առաջարկում ենք պատրաստել Կարտոֆիլով պիցցա, կհամոզվեք, որ միշտ չէ, որ համեղ ուտեստ պատրաստելու համար մեծ հմտություն է պետք:

Կարտոֆիլով պիցցան տապակում ենք թավայի մեջ բառացիորեն մի քանի րոպեում և կարելի վստահ լինել, որ ոչ մի կտոր չի մնա ափսեի մեջ:

Ձեզ անպայման դուր կգա այս պիցցան իր համի և պատրաստման գործընթացի պարզության համար: Հիանալի արագ ուտեստ:

Կարտոֆիլով պիցցա. Անհրաժեշտ բաղադրիչները

— կարտոֆիլ 4 հատ

— ձու 1 հատ

— եփած երշիկ 100 — 150 գ

— աղ և պղպեղ ըստ ճաշակի

— ալյուր 2 ճաշի գդալ

— ապխտած երշիկ 100 — 150 գ

— լոլիկ 1 — 2 հատ

— կոշտ պանիր 100 գ

Կարտոֆիլով պիցցա. Պատրաստման եղանակը

_ Երշիկները կտրատել շերտերով, լոլիկը բարակ ձողիկներով կամ նույնպես շերտերով։

_ Կոշտ պանիրը և հում կարտոֆիլը քերել միջին քերիչով։ Ավելացնել ձուն, աղն ու պղպեղը ըստ ճաշակի, մեջը լցնել ալյուրը և զանգվածը հունցել մինչև հարթ լինի։

_ Զանգվածին կարող եք ավելացնել համեմունքներ կարտոֆիլի կամ պիցցայի համար, այդպես ձեր ուտեստն ավելի վառ համ կունենա:

_ Կարող եք նաև ավելացնել պրովանսալ կամ իտալական համեմուքներ:

_ Տապակը տաքացնել բուսայուղով և մեջը տարածել կարտոֆիլի զանգվածը, հարթեցնելով շերտը։

_ Շերտը մարմանդ կրակի վրա տապակել բառացիորեն 5 րոպե՝ մինչև կարտոֆիլը կարմրի։

_ Ափսեի օգնությամբ շրջել կարտոֆիլի շերտը, քսել մայոնեզ, այնուհետև դնել լոլիկի կտորները, երշիկը և պիցցայի վրա ցանել պանիր։

_ Ուտեստը տապակել 5-10 րոպե և հեռացնել կրակից։

Պիցցան դնել ափսեի վրա, մատուցելիս զարդարել թարմ կանաչիներով՝ սամիթով և ռեհանով:

Բարի ախորժակ:

Տեսանյութ

Տնական պիցցա