Կարտոֆիլով վարդեր. Գեղեցիկ նախուտեստ տոնական սեղանի, կամ առանձնահատուկ հյուրի համար

Ի՞նչը կարող է ավելի լավ լինել, քան ծաղիկներով ռոմանտիկ նվերը: Մի ծաղկեփունջ, որը կարելի է ուտել, իհարկե: Այն պատրաստվում է կարտոֆիլի և խոզապուխտի շերտերով, իսկ ուտեստի ձևավորումն այնքան տպավորիչ է, որ ձեր հյուրերը հաճելի պահեր կապրեն սեղանի նման ձևավորումից:

Եթե ​​դուք սիրում եք կարտոֆիլ, բայց արդեն հոգնել եք դրանից պատրաստվող միօրինակ ուտեստներից, ապա անպայման փորձեք պատրաստել այս կարտոֆիլով վարդերը և մատուցել դրանք որպես նախուտեստ կամ կողային ուտեստ:

Կարտոֆիլով վարդեր. Բաղադրիչներ

_Կարտոֆիլ 4 հատ

_Ձիթապտղի յուղ 2 ճաշի գդալ

_Սխտորի փոշի 1 թեյի գդալ

_Ուրց 1 թեյի գդալ

_Խնկունի 1 թեյի գդալ

_Սև պղպեղ 0.5 թեյի գդալ

_Աղ 1 թեյի գդալ

_Խոզապուխտ 8 հատ

_Պարմեզան 50 գ

Կարտոֆիլով վարդեր. Պատրաստման եղանակը

_Լվանալ կարտոֆիլի պալարները հոսող ջրի տակ խոզանակով: Եթե ​կեղևն արդեն հին է, կարող եք հեռացնել այն:

_Ջեռոցը տաքացնել 200 աստիճանի: Կարտոֆիլը կտրել բարակ շերտերով (1,5–2 մմ)` օգտագործելով հատուկ դանակ կամ քերիչ:

_Մի ամանի մեջ լցնել կարտոֆիլը, խառնել ձիթապտղի յուղ, աղ և բոլոր համեմունքները:

_Դնել տախտակի վրա երկու բարակ շերտ խոզապուխտ, որոնք կիսով չափ իրար ծածկում են, նույն կերպ կիսով չափ իրար ծածկող կարտոֆիլի շերտերը շարել դրա վրա, ոլորել խոզապուխտը և ստացվում է վարդը:

_Ստացված Կարտոֆիլով վարդը դրեք կեքսի թխման ձևամանի մեջ և դրեք ջեռոցում 50 րոպե:

_Հանել կաղապարը, կարտոֆիլով վարդերի վրա քերած պարմեզան լցնել և կրկին դնել ջեռոցում ևս 5-10 րոպե:

Արդյունքում ստացված «ծաղիկները» հեշտությամբ հանվում են կաղապարներից և հալված պանրի շնորհիվ չեն քանդվում: Կարող եք նաև թխել մեկ հսկայական կարտոֆիլի ծաղիկ մեծ ջերմակայուն ապակե տապակի մեջ և մատուցել այն:

Կարտոֆիլով վարդերը պատրաստ են:

Բարի ախորժակ:

Տեսանյութ

Կարտոֆիլով աղցան