Ձեզ ենք առաջարկում՝ կարտոֆիլով և աղացած մսով ջեռեփուկի համեղ բաղադրատոմս: Ուտեստը ախորժելի և շատ համեղ է ստացվում:
Այս հիմնական ուտեստին կարող եք ավելացնել թարմ բանջարեղենային աղցաններ կամ թթու վարունգ:
Կարտոֆիլով և աղացած մսով ջեռեփուկ. Անհրաժեշտ բաղադրիչները
_Կարտոֆիլ 4 հատ
_Սոխ 1 հատ
_Տավարի կամ այլ ցանկացած աղացած միս 600 գր
_Աղ, պղպեղ, համեմունքներ՝ ըստ ճաշակի
_Անուշաբույր կանաչիներ
_Պանիր 200 գր
_Լոլիկ 1 հատ
_Կաղամբի կեսը
_Ձու 2 հատ
_Թթվասեր 2 ճաշի գդալ
_Ֆրանսիական մանանեխ 1 թեյի գդալ
_Կաթ 50 մլ
_Սխտոր, կանաչիներ՝ ըստ ճաշակի
Կարտոֆիլով և աղացած մսով ջեռեփուկ. Պատրաստման եղանակը
_Կարտոֆիլները լավ լվանալ, կտրել բարակ շերտերով և անուշաբույր կանաչիներ, համեմունքներ, աղ անել, ցողել բուսական յուղով և դնել ջեռոցի ամանի մեջ:
_Եփել 180 աստիճանով տաքացված ջեռոցում՝ մոտ 20 րոպե:
_Կտրել սոխը խորանարդներով և տապակել բուսական յուղի մեջ, ավելացնել աղացած միսը և խառնել, տապակել: Աղ և պղպեղ և համեմունքներ ավելացնել:
_Քերել պանիրը միջին քերիչով:
_Կտրել լոլիկը շերտերով:
_Միսը հավասար շերտով լցնել կարտոֆիլի վրա, քերած պանիրը ցանել, դասավորել լոլիկի շերտերը և եփել ևս 15 րոպե:
Աղցան պատրաստելու համար
_Կաղամբը մանր կտրատել, խառնել քերած գազարի հետ, աղ և պղպեղ անել:
_Ձվերը խառնել կաթի և աղի հետ, հարել: Նրբաբլիթ տապակել, սառեցնել և կտրել բարակ շերտերով, ավելացնել կաղամբին:
_Թթվասերը խառնել մանանեխի և քերած սխտորի հետ: Ավելացնել այս սոուսը կաղամբի վրա և խառնել:
Ուտեստը տաք-տաք մատուցեք: Ձեզ անպայման դուր կգա նման ընթրիքը, սրա համն ու բույրը հիանալի են:
Բարի ախորժակ:
Տեսանյութ
Լցոնած կարտոֆիլ ջեռոում