Կարտոֆիլով և մսով ընթրիք. Համեղ ու հյութեղ ուտեստը բոլորին կգոհացնի

Կարտոֆիլով և մսով ընթրիք պատրաստելու յուրահատուկ հնարքների շնորհիվ ամենօրյա սեղանին ճոխ ուտեստ կմատուցեք:

Գիտեմ, որ բոլորը ժամանակ առ ժամանակ շոգեխաշած կարտոֆիլ են պատրաստում։ Բայց այն կարելի է պատրաստել նաև անսովոր համեղ և բուրավետ լոլիկի-մանանեխի սոուսով:

Այսպիսով, մսով շոգեխաշած սովորական կարտոֆիլը վերածվում է նուրբ ուտեստի, որը կարելի է վստահորեն մատուցել տոնական սեղանին։

Փորձեք կարտոֆիլը հնարավորինս փափուկ դարձնել: Սովորաբար ուտեստի պատրաստումը պահանջում է մոտ մեկուկես ժամ: Ցանկալի է վերցնել մանանեխի հատիկներ։ Եթե ​չունեք, պարզապես նոսրացրեք այն տաք ջրով: Տոմատի մածուկի փոխարեն կարող եք վերցնել նաև կտրատած լոլիկները։ Ավելի հարուստ համ ստանալու համար ավարտից 10 րոպե առաջ ավելացրեք մեկ գդալ թթվասեր (ըստ ցանկության):

Կարտոֆիլով և մսով ընթրիք. Բաղադրիչներ

_Կարտոֆիլ 2 կգ

_Արևածաղկի ձեթ 4 ճաշի գդալ

_Միս 500 գ

_Սոխ 3 հատ

_Գազար 2 հատ

_Դափնու տերև 2 հատ

_Տոմատի մածուկ 1,5 ճաշի գդալ

_Ջուր 1 լ

_Դիժոնի մանանեխ 1 ճաշի գդալ

_Կանաչ սոխ ըստ ճաշակի

_Աղ՝ ըստ ճաշակի

_Սև պղպեղ (աղացած) ըստ ճաշակի

Կարտոֆիլով և մսով ընթրիք. Պատրաստման եղանակը

_Հոտազերծված բուսական յուղը լցնել հաստ հատակով կաթսայի մեջ։

_Տաքանալուն պես լցնել միջին չափի կտորներով կտրատված միսը։

_Տապակել մինչև ոսկե դարչնագույնը, ապա ավելացնել մանր կտրատած սոխը։

_Երբ սոխը մի փոքր կարմրի, ավելացնել միջին քերիչով քերած գազարը։ Ամեն ինչ մանրակրկիտ խառնել բահիկով:

_Տապակել մինչև գազարը փափկի։

_Հետո ավելացնել դափնու տերևներ և տոմատի մածուկ:

_Լցնել ջուրը և աղ՝ ըստ ճաշակի։ Վերջում ավելացնել դիժոնյան մանանեխը։

_Կտրատած կարտոֆիլը լցնել մսի վրա, խառնել և ծածկել:

_Եփել միջին կրակի վրա մոտ մեկ ժամ։ Բայց պատառաքաղով ստուգեք կարտոֆիլի եփված լինելը:

_Ապա հանել մոտ 10 կտոր կարտոֆիլ և տրորել պատառաքաղով։ Կրկին լցնել կաթսայի մեջ։

_Վերջում ավելացնել ձեր նախընտրած կանաչիներն ըստ ճաշակի և հանել կրակից։

Դժվար է գտնել մարդ, ով չի կերել այս ուտեստը, բայց հավատացեք, որ այս կարտոֆիլն անպայման կզարմացնի բոլորին:

Բարի ախորժակ:

Տեսանյութ

Օջախուրի. Խոզի մսով և կարտոֆիլով ժառկո