Կարտոֆիլով և սնկով ջեռեփուկ. Հագեցնող ընթրիք

Կարտոֆիլով և սնկով ջեռեփուկ, փորձեք և կիմանաք, թե որքան համեղ է այն: Չնայած նման պարզ բաղադրությանը, այս ջեռեփուկը շատ նման է ժուլիենին։

Բացի այդ շատ է ստացվում, դուք կարող եք կերակրել ամբողջ ընտանիքին արագ, հագեցնող և աներևակայելի համեղ ուտեստով:

Կարտոֆիլով և սնկով ջեռեփուկ. Անհրաժեշտ բաղադրիչները

_Հավի կրծքամիս 400 գրամ

_Կարտոֆիլ 8-9 հատ

_Շամպինիոն 12-13 հատ

_Սոխ 1 հատ

_Թթվասեր 2 ճաշի գդալ

_Ալյուր 2 ճաշի գդալ

_Սերուցք 300 մլ

_Կաթ 100 մլ

_Պանիր 150 գրամ

_Աղ, պղպեղ՝ ըստ ճաշակի

Կարտոֆիլով և սնկով ջեռեփուկ. Պատրաստման եղանակը

_Սոխը մանր կտրատել, սունկը շերտատել։

_Կարտոֆիլը կտրատել շերտերով, իսկ հավի միսը խորանարդներով

_Թավայի մեջ բուսական յուղով  տապակել սունկն ու սոխը։

_Կարտոֆիլը տաք ջրի մեջ 1-2 րոպե եփել։

_Հավի միսը կարելի է տապակել յուղով մյուս տապակի մեջ, կամ նախապես եփել՝ ըստ ցանկության։

_Ձևամանի հատակին լցնել կարտոֆիլ, ապա հավը, քերած պանիրը, սոխն ու սունկը։

_Պատրաստել սոուսը՝ կաթսայի մեջ խառնել թթվասերը, կաթը, սերուցքը, կրակի վրա դնել:

_Աստիճանաբար լցնել ալյուրը, խառնելով, եփել 2-3 րոպե՝ եռման պահից։

_Բաղադրիչների վրա լցնել ստացված սոուսը, դնել 200°C տաքացրած ջեռոցը կես ժամով։

Բուրավետ և շատ համեղ ջեռեփուկը պատրաստ է։

Այն կարելի է մատուցել ինչպես տաք, այնպես էլ սառը, այդպես միանշանակ համեղ է:

Բարի ախորժակ:

Տեսանյութ

Պատրաստում ենք ջեձռեփուկ կարտոֆիլով