Կարտոֆիլ ջեռոցում. Երշիկով և պանրով համեղ նախաճաշ կամ ընթրիք

Երբեմն ցանկանում ես ուտելիք պատրաստել, որ այն լինի պարզ և համեղ: Հիանալի լուծում է, եթե պատրաստեք կարտոֆիլ ջեռոցում, երշիկով և պանրով:

Ստացվում է շատ համեղ և անչափ հեշտ: Անպայման պատրաստեք, եթե ուզում եք հագեցնող ու պարզ ուտեստ պատրաստել, առանց շատ ժամանակ կորցնելու: Մի քանի պարզ քայլ և ծույլ ընթրիքը պատրաստ է:

Կարտոֆիլ ջեռոցում. Անհրաժեշտ բաղադրիչները

_Կարտոֆիլ 8 հատ

_Նրբերշիկ (կամ երշիկեղեն / խոզապուխտ ) 2-3 հատ

_Պանիր 150 գ

_Մաղադանոս` ըստ ճաշակի

_Աղ` ըստ ճաշակի

Կարտոֆիլ ջեռոցում. Պատրաստման եղանակը

_Պատրաստելու համար կարող եք վերցնել մի կտոր խոզապուխտ, նրբերշիկ կամ ձեր սիրած երշիկ:

_Կարտոֆիլը լավ լվանալ և խաշել աղ արած ջրի մեջ, մինչև որ փափկի: Հետո դրանք շարել
կաղապարի մեջ և յուրաքանչյուր կարտոֆիլի վրա կտրվածք (գրպան) անել, մի կտրեք մինչև վերջ:

_Կտրեք պանիրը երկար ձողիկներով, երշիկը շրջանակներով, մաղադանոսը մանր կտրատել:

_Այժմ կարտոֆիլի մեջ մի երկու կտոր պանիր դնել, մի քանի կտոր երշիկ և վրան շաղ տալ կանաչիները:

_Կարող եք աղ չանել, եթե երշիկն ու պանիրն աղի են: Դուք առաջնորդվեք ձեր ճաշակով:

_Կարտոֆիլը դնել 200 աստիճան տաքացրած ջեռոցում 15-20 րոպե, մինչև երշիկը եփվի:

Եթե ​​օգտագործում եք եփած խոզապուխտ կամ երշիկեղեն, ուրեմն թխեք մինչև պանիրը հալվի:

Երշիկով և պանրով թխած կարտոֆիլը պատրաստ է: Դա համեղ է և պարզ:

Բարի ախորժակ:

Տեսանյութ

Կարտոֆիլով աղցան