Կոլոլակները խմորի մեջ. Անուշահամ օրիգինալ ուտեստ

Կոլոլակները խմորի մեջ սովորական կոտլետներ են, բայց շատ հետաքրքիր են՝ լորի ձվերով լցոնած և զարմանալի սոուսով, կարտոֆիլի զարդարանքով։

Ձեզ անպայման դուր կգա այս ուտեստը։

Կոլոլակները խմորի մեջ. Անհրաժեշտ բաղադրիչները

_Աղացած միս 500 գր

_Սոխ 1 հատ

_Ձու 1 հատ

_Պաքսիմատ 2 ճաշի գդալ

_Տոմատի մածուկ 1 ճաշի գդալ

_Սխտոր 3 պճեղ

_Աղ, պղպեղ, համեմունքներ՝ ըստ ճաշակի

_Լորի ձու 12 հատ

Խմորը պատրաստելու համար

_Ձու 2 հատ

_Թթվասեր կամ մածուն 3 ճաշի գդալ

_Աղ՝ ըստ ճաշակի

_Ալյուր 4 ճաշի գդալ

Սոուսի համար 

_Սոխ 1 հատ

_Գազար 2 հատ

_Կարտոֆիլ 4 հատ

_Բուսական յուղ 50 մլ

_Լոլիկի հյութ 50 մլ

_Աղ, պղպեղ, համեմունքներ՝ ըստ ճաշակի

_Ջուր 300 մլ

Կոլոլակները խմորի մեջ. Պատրաստման եղանակը

_Լորի ձվերը եփել, թողնել սառչի, մաքրել։

_Աղացած միսը համեմել աղով, պղպեղով, համեմունքներով, քերած սոխով և սխտորով, ավելացնել տոմատի մածուկը, ձուն, պաքսիմատը, զանգվածը լավ խառնել, մինչև հարթ լինի։

_Աղացած միսը մաս-մաս վերցնել և փաթաթել՝ լորի ձուն մեջը դնելով, միջուկով կոլոլակ է ստացվում։

_Ձվերը խառնել մայոնեզի կամ թանձր մածունի, ալյուրի, աղի հետ, լավ խառնել։

_Թաթախել խմորի մեջ, այնուհետև տապակել բուսայուղի մեջ։

_Սոխը կտրատել խորանարդներով, քերել գազարը՝ խոշոր քերիչով և բանջարեղենը ձեթով շոգեխաշել։

_Երբ բանջարեղենը շոգեխաշվի, ավելացնել լոլիկի հյութը, խառնել։

_Լցնել կարտոֆիլի կտորները և եփել, մինչև պատրաստ լինի:

_Կոլոլակները վրան դնել, կափարիչով ծածկել ու շոգեխաշել 10 րոպե։

Մատուցելուց առաջ ցանել կանաչիներով և կերակուրը բաժանել ափսեների մեջ։

Բարի ախորժակ:

Տեսանյութ

Կոլոլակով բրնձով փլավ