Ես շատ եմ սիրում Կոլոլակներով և կարտոֆիլով ջեռեփուկ պատրաստել, մանավանդ որ, այն պատրաստվում է մատչելի բաղադրիչներից։
Այս պարզ ուտեստը ստացվում է հագեցնող ու համեղ։ Բաղադրատոմսը ձեզ կօգնի, երբ հյուրերն արդեն դռան շեմին են:
Կոլոլակներով և կարտոֆիլով ջեռեփուկ. Անհրաժեշտ բաղադրիչները
_Միջին կարտոֆիլ 6 — 7 հատ
_Աղացած միս 400-500 գր
_Բուսական յուղ 4 ճաշի գդալ
_Կանաչիներ՝ ըստ ճաշակի
_Աղ, պղպեղ՝ ըստ ճաշակի
_Թթվասեր՝ մատուցելու համար
_Սխտոր 3-4 պճեղ
_Սոխ 2 հատ
Կոլոլակներով և կարտոֆիլով ջեռեփուկ. Պատրաստման եղանակը
_Սոխը մաքրել, մսաղացով աղալ և ավելացնել աղացած մսին, աղ ու պղպեղ անել։
_Կարտոֆիլը մաքրել, մանր կտրատել։ Կարտոֆիլին ավելացնել բուսայուղը, համեմունքները, ճզմած սխտորն ու խառնել։
_Կարտոֆիլը լցնել տապակի մեջ, աղացած մսից կոլոլակներ ձևավորել և լցնել կարտոֆիլի վրա:
_Եփել 220 աստիճան տաքացրած ջեռոցում մոտ 30 րոպե, մինչև պատրաստ լինի։
_Պատրաստի ուտեստի վրա ցանել թարմ, կտրատած կանաչիներ և մատուցել թթվասերով։
Բարի ախորժակ:
