Հայկական կոլոլակով ապուրը սովորական ապուր չէ: Այս ապուրի համար կոլոլակները պատրաստվում են բլղուրի հավելումով, իսկ արգանակը թանձրացնում են ձվով և կիտրոնի հյութով, որի շնորհիվ արգանակը սպիտակում է և ձեռք բերում աննշան թթվաշություն:
Ապուրի մեջ կարտոֆիլ չկա, բայց կոլոլակների շնորհիվ ապուրը շատ հագեցնող է:
Կոլոլակով ապուր.Անհրաժեշտ բաղադրիչները
_Տավարի միս — 150 գ
_Բլղուր — 50 գ
_Կիտրոն (հյութ) — 0,5 հատ
_Ձու (խոշոր) — 1 հատ
_Գլուխ սոխ — 0,5 հատ
_Հավի արգանակ — 1,1 լ
_Թարմ մաղադանոս՝ ըստ ճաշակի
_Աղ՝ ըստ ճաշակի
_Աղացած սև պղպեղ` ըստ ճաշակի
Արգանակի համար.
_Հավի միս — 300 գ
_Սև պղպեղ — 2 հատ
_Դափնու տերև — 0,5 հատ
_Աղ՝ ըստ ճաշակի
_Ջուր — 1,5 լ
Կոլոլակով ապուր. Պատրաստման եղանակը
_Սկզբում նախապատրաստել բոլոր անհրաժեշտ բաղադրիչները:
_Հավի արգանակը կարելի է պատրաստել նախապես կամ հենց ապուրը պատրաստելուց առաջ: Ես ունեի նախապես պատրաստված արգանակ, որը պատրաստելիս օգտագործել էի հավի ոսկորներ և մաշկ:
_Արգանակը եփելու համար հավի կտորները լցնել սառը աղ արած ջրով կաթսայի մեջ: Այն դնել կրակի վրա և հեղուկը եռալուց հետո հանել փրփուրը, ավելացնել մի քանի սև պղպեղի հատիկ և կես դափնու տերև: Հավի կտորտանքը մարմանդ եռացնելով եփել մոտ 30 րոպե:
_Պատրաստի արգանակը քամել թանզիֆով: Առանձնացնել ապուրի համար անհրաժեշտ քանակությամբ պատրաստի արգանակ (1 լ), լցնել կաթսայի մեջ: Բացի այդ, հարկավոր է լինելու ևս մեկ բաժակ արգանակ` ձվի սոուս պատրաստելու համար:
_Բլղուրը լցնել ամանի մեջ, ծածկել սառը ջրով և թողնել 15 րոպե ծածկել: Այդ ընթացքում բլղուրը կլանում է ջրի մի մասը և բավական ուռչում:
_Մանրացնել տավարի միսը և աղալ այն մսաղացով:
_Թասի մեջ աղացած տավարի մսին ավելացնել թրջած բլղուրը, խորանարդաձև մանրացված սոխը, աղը և սև պղպեղը: Ցանկության դեպքում կարելի է մանր կտրատած կանաչիներ ավելացնել աղացած մսի և բլղուրի խառնուրդին:
_Լավ խառնել այս ամենը՝ կոլոլակի ֆարշը պատրաստ է:
_Ձեռքերը ջրով թրջել և աղացած մսի ֆարշից փոքրիկ գնդիկներ՝ կոլոլակներ ձևավորել:
_Լցնել կոլոլակները եռացող արգանակի մեջ:
_Արգանակը կրկին հասցնել եռման, կրակը թուլացնել և կոլոլակով ապուրը եփել մոտ 30 րոպե:
_Մի ամանի մեջ հարել ձուն, խառնել կիտրոնի հյութը և 0,5 բաժակ արգանակը, որը նախապես առանձնացրել էիք:
_Ձվի խառնուրդը լցնել ապուրի մեջ բարակ հոսքով` անընդհատ խառնելով:
_Ձվով հագեցած ապուրը եռացնել, ավելացնել մանր կտրատած մաղադանոսը, սև պղպեղը և կաթսան հանել կրակից:
Կոլոլակով ապուրը պատրաստ է: Այն հարմար է ցուրտ եղանակին վայելելու համար, քանի որ և հագեցնող է, և դյուրամարս:
Բարի ախորժակ:
Տեսանյութ
Համեղ ապուր
