Կոտլետներ Կեֆտեդես. Նոր բաղադրատոմս հունական խոհանոցից
Պետք է խոստովանենք, որ հույների զարմանահրաշ ուտեստները գերել են մեր սիրտը: Մենք դրանք պատրաստում ենք երբեմն, անգամ չիմանալով ծագման մասին; Այնպես որ, մենք շարունակում ենք ուրախացնել ձեզ այսպիսի համեղ ու քնքուշ ուտեստների բաղադրատոմսերով: Այս անգամ կներկայացնենք, թե ինչպես կարելի է պատրաստել Կեֆտեդես կոտլետները:
Ուտեստը պատրաստվում է աղացած մսի 2 տեսակի խառնուրդի հիման վրա՝ պետք է վերցնել խոզի և տավարի միս: Դրա շնորհիվ այս կոտլետները հատուկ համ ունեն: Բացի այդ համային նրբերանգ է հաղորդում լավ համեմունքների և անանուխի փունջը: Սկզբնական բաղադրատոմսում կոլոլակները պատրաստվում են ֆրի եղանակով, բայց մենք առաջարկում ենք ավելի նուրբ տարբերակ: Ցանկության դեպքում, դուք կարող եք թխել այս ուտեստը ջեռոցում: Արդյունքը նույնքան համեղ կստացվի:
Կոտլետներ Կեֆտեդես. Անհրաժեշտ բաղադրիչները
- Աղացած խոզի միս 500 գ
- Աղացած տավարի միս 500 գ
- Հաց 100 գ
- Սոխ 150 գ
- Սխտոր 2 պճեղ
- Լոլիկ 1 հատ
- Գինու քացախ 3 ճաշի գդալ
- Ձիթապտղի յուղ 2 ճաշի գդալ
- Աղ՝ ըստ ճաշակի
- Սև պղպեղ (աղացած)` ըստ ճաշակի
- Անանուխ 4 ճաշի գդալ
- Ցորենի ալյուր` ըստ ճաշակի
- Օրեգանո (սուսամբար) 0,5 թեյի գդալ
- Արևածաղկի ձեթ՝ ըստ ճաշակի
- Ֆետա պանիր ՝ ըստ ճաշակի
Կոտլետներ Կեֆտեդես. Պատրաստման եղանակը
- Հացը թաթախել ջրի մեջ, քամել և ավելացնել աղացած մսին, մանրակրկիտ խառնել:
- Հետո խոշոր քերիչով քերել սոխը, սխտորը և կեղևահան արած լոլիկը: Բաղադրությունն ավելացնել աղացած մսին:
- Ավելացնել նաև սուսամբար, քացախ, սև պղպեղ և ձիթապտղի յուղ: Հունցել աղացած միսը:
- Դրանից հետո աղացած մսին ավելացնել մանրացված անանուխ և խառնել: Աղացած միսը դնել սառնարանում առնվազն 1 ժամ:
- Ստացված ֆարշից հավասար չափի փոքր կոտլետների ձևավորել: Յուրաքանչյուր կոտլետի մեջ դնել մի կտոր ֆետա պանիր:
- Հետո փոքրիկ կոտլետները թաթախել ալյուրի մեջ և տապակել լավ տաքացրած թավայի մեջ՝ արևածաղկի ձեթով:
- Պատրաստի կոտլետները յուղից հանելուց հետո դնել թղթե սրբիչների վրա՝ ավելորդ ճարպը հեռացնելու համար:
Կոտլետներ Կեֆտեդեսը պատրաստ են: Մատուցեք ձեր սիրած կողմնակի ուտեստով և թարմ բանջարեղենային աղցանով: Կոլոլակները կատարյալ են ընտանեկան կամ տոնական ճաշի համար:
Բարի ախորժակ:
Տեսանյութ
Տնական կոտլետներով Չիզբուրգեր