Կրծքամիսը ջեռոցում. Նրբահամ կեղևով հյութեղ ուտեստ

Պատրաստենք սոխի, լոլիկի և պանրի շերտով կրծքամիսը ջեռոցում:

Այս ուտեստն այնքան համեղ է, ստացվում է հյութալի և փափուկ, շատ բուրավետ:

Կրծքամիսը ջեռոցում. Անհրաժեշտ բաղադրիչները

_Հավի կրծքամիս 600 գր

_Սոխ 1-2 հատ

_Լոլիկ 1 — 2 հատ

_Խաշած ձու 3 հատ

_Պղպեղ 1 թեյի գդալ

_Պապրիկա 1 թեյի գդալ

_Կանաչիներ՝ ըստ ճաշակի

_Պանիր 150 գր

_Սխտոր 2-3 պճեղ

_Մայոնեզ 2 ճաշի գդալ

_Բուսական յուղ 1 ճաշի գդալ

Կրծքամիսը ջեռոցում. Պատրաստման եղանակը

_Լվանալ միսը և չորացնել թղթե սրբիչներով, կտրել բարակ, երկար շերտերով և թակել:

_Համեմել աղով, պղպեղով, կանաչիներով և այլ համեմունքներով, քսել բուսայուղը և մսի կտորները լավ շփել։

_Թողնել միսը մարինացվի 20 րոպե։

_Սոխը կտրատել կիսաօղակներով, լոլիկը՝ շերտերով, կանաչիները մանր կտրատել, խառնել բանջարեղենն ու կանաչիները:

_Ավելացնել քերած ձվերը, ճզմիչով անցած սխտորը և 50 գր քերած պանիրը։

_Զանգվածը խառնել:

_Ջեռոցի տապակին քսել բուսական յուղ, դնել միսը, վրան՝ բանջարեղենի, ձվի և պանրի շերտ:

_Ցանել քերած պանիր ​​(մնացած 100 գրամը)։

_Թխել 200 աստիճան ջերմաստիճանում մոտ 20 րոպե։

Հուշում․ «մուշտակին» կարելի է ավելացնել նաև քաղցր պղպեղի կտորներ, կարող եք նաև սունկ կտրատել։

Բարի ախորժակ:

Տեսանյութ

Հավի կրծքամսով տապակա