Կրծքամիս պանրով և կանաչիներով. Հյութալի խորտիկ ընթրիքի համար

Ներկայացնում ենք գերազանց բաղադրատոմս, որի շնորհիվ կպատրաստեք Կրծքամիս պանրով և կանաչիներով:

Այս ուտեստը նուրբ և հյութալի է ստացվում, և այն շատ հեշտ է պատրաստել:

Կրծքամիս պանրով և կանաչիներով. Անհրաժեշտ բաղադրիչները

_Հավի կրծքամիս 2 հատ

_Ֆետա պանիր 120 գր

_Մաղադանոս 1/3 փունջ

_Սխտոր 2 պճեղ

_Պաքսիմատ 100 գր

_Աղ 0,5 թեյի գդալ

_Սխտորի փոշի 2 թեյի գդալ

_Ձու 1 հատ

_Կարագ 50 գր

Կրծքամիս պանրով և կանաչիներով. Պատրաստման եղանակը

_Միջուկի համար պանիրը բլենդերով մանրացնել, ավելացնելով միայն մաղադանոսի տերևները և սխտորը։

_Միացնել ջեռոցը 190 C ջերմաստիճանում։

_Յուրաքանչյուր կտոր միս դնել տախտակի վրա, կտրել երկայնքով՝ չհասնելով ծայրին (առանց կտրելու) և գրքի պես բացել, հարթեցնել և մի փոքր թակել։

_Յուրաքանչյուր կտորի վրա քսել միջուկի կեսը՝ եզրին չհասնելով և ոչ ամուր, ռուլետաձև փաթաթել։

_Թաթախման համար չորահացի փշրանքները խառնել հատիկավոր սխտորի և աղի հետ։

_Ավելացնել նաև աղացած սև պղպեղ և մի քիչ կարմիր քաղցր պապրիկա։

_Ձուն կոտրել հարթ ամանի մեջ և թեթևակի հարել պատառաքաղով։

_Թաթախել նախ ձվի մեջ, հետո չորահացի մեջ, նորից ձվի մեջ և վերջին անգամ կրկին թաթախել չորահացի մեջ։

_Լցնել բուսայուղով յուղած տապակի մեջ, ավելացնել 2 ճաշի գդալ ջուր:

_Սկզբում թխել 15 րոպե, ապա ռուլետներին հավասարապես քսել կարագի կտորով և շարունակել թխել ևս 15 րոպե։

Որպես կողմնակի ճաշատեսակ, կարող եք մատուցել բլղուր բանջարեղենով։ Իսկ սոուսի համար բնական մածունը խառնել մեկ պճեղ սխտորի և կիտրոնի քերուկի հետ։

Բարի ախորժակ:

Տեսանյութ

Խորոված հավի կրծքամիս