Համեղ բրդուճ. Մեզ պետք է սովորական կրծքամիս և լավաշ ու կունենանք հրաշալի ուտեստ

Շատերն են սիրում շաուրմա, իսկ մենք կպատրաստենք տնական ու համեղ բրդուճ հավի կրծքամսով և լավաշով:

Շաուրմա պատրաստելը դժվար չէ, դրա համար նույնիսկ բարդ հարմարանք պետք չէ։ Մենք ձեզ ցույց կտանք, թե ինչպես պատրաստել համեղ տնական շաուրմա։

Համեղ բրդուճ. Բաղադրիչները

_ կրծքամիս — 600 գ

_ աղ — 2 թեյի գդալ

_ աղացած սև պղպեղ — 1/2 թեյի գդալ

_ հավի ձու — 2 հատ

_ քրքում — 1 թեյի գդալ

_ լավաշ — 1 հատ՝ կիսած 2 մասի

_ սխտոր — 3 պճեղ

_ Դոլմիո սոուս — 50 մլ

_ բուսական յուղ — 50 մլ

_ մայոնեզ — 80 գ

_ մանանեխ — թեյի գդալ

_ կանաչ սոխ — 20 գ

_ լոլիկ — 300 գ

_ վարունգ — 300 գ

Համեղ բրդուճ. Պատրաստման եղանակը

_ Հավի կրծքամսից հանել կաշին և կտրատել միջին չափի կտորներով։ Մսով ամանի մեջ լցնել մեկ թեյի գդալ աղ, քրքում և մանանեխ։ Ավելացնել աղացած սև պղպեղ, մանրացված սխտորի պճեղները։

_ Մսի կտորների վրա լցնել նաև Դոլմիո սոուսը, լցնել բուսայուղ և խառնել բոլոր բաղադրիչները։

_ Միսը ծածկել թաղանթով, դնել սառնարանում՝ 2 ժամ մարինացնելու համար։

_ Մարինացնելուց հետո կտորները տապակել թավայի մեջ միջին ջերմության վրա, մոտ 15 րոպե՝ անընդհատ շրջելով, որպեսզի չայրվի։

_ Վարունգը և լոլիկը մանր կտրատել, դնել յուրաքանչյուր լավաշի մեջտեղում, նույն կերպ լցնել հավի կրծքամիսը, միջուկին առատ մայոնեզ քսել։

_ Սոխը բավական մանր կտրատել, շաղ տալ մայոնեզի շերտի վրա։

_ Լավաշի կտորը փաթաթել ամուր և երկարավուն ծրարի նման՝ փակելով ստորին և վերին մասերը։

_ Ձվերը կոտրել առանձին ամանի մեջ, աղ անել և խառնել։ Բրդուճը թաթախել ձվի զանգվածի մեջ և դնել թավայի մեջ։

_ Տապակել բրդուճ բոլոր կողմերից մինչև ոսկե դարչնագույնը:

Կարճ ժամանակում ստացվում է հյութալի և համեղ բրդուճ։

Ի դեպ, մարինադի համար նախատեսված համեմունքներին կարող եք ավելացնել այն, ինչ ցանկանում եք:

Բարի ախորժակ:

Տեսանյութ

Լավաշով ռուլետ