Համեղ ընթրիք. Փորձենք պատրաստել մսով և պանրով ռուլետ, որի բաղադրիչներն ինքնին հագեցնող են, իսկ իրար հետ համադրվելով՝ համերն ու հյութերը խառնելով, կվերածվեն մի շքեղ ու բուրավետ ուտեստի, որը վստահաբար կարող է համարվել ռեստորանային կերակուր:
Մսով ռուլետի համար լավ կլինի վերցնել Սուլուգունի պանիր, որն ունի բավականին խիտ հյուսվածք և աղի համ։
Համեղ ընթրիք. Բաղադրությունը
_4 կարտոֆիլ
_300 գ սուլուգունի պանիր
_400 գ տավարի աղացած միս
_1 սոխ
_1 կարմիր պղպեղ
_2 պճեղ սխտոր
_1 ճաշի գդալ տոմատի մածուկ
_Բուսական յուղ
_Աղ
_Պղպեղ, պապրիկա
_Կանաչ սոխ
Համեղ ընթրիք. Պատրաստման եղանակը
_300 գր. սուլուգունի պանիրը քերել խոշոր քերիչով։ Պանրի կեսը տարածել յուղաթղթով ծածկված ջեռոցի տապակի վրա:
_Մաքրած կարտոֆիլը կտրատել շերտերով և տարածել վրան՝ մեկ շերտով:
_Շաղ տալ աղ, ցողել բուսայուղով։ 30 րոպեով դնել 200 աստիճան տաքացրած ջեռոց։
_Բուսայուղով տապակի մեջ լցնել 400 գր. աղացած միս: Տապակելուց հետո ավելացնել մանր կտրատած սոխ։
_Ավելացնում ենք նաև մանր կտրատած կարմիր պղպեղ և երկու պճեղ ճզմած սխտոր։
_Բաղադրիչներին ավելացնել մեկ ճաշի գդալ տոմատի մածուկ։ Ըստ ճաշակի ավելացնել աղ, պղպեղ և պապրիկա:
_Այժմ վերադառնանք կարտոֆիլով տապակին։
_Վրան շաղ տալ պանրի շերտ և մյուս շերտով՝ պատրաստի աղացած միսը։
_Միսը հավասարաչափ տարածել բահիկով։ Այնուհետև կրկին շաղ տալ պանիր:
_Փաթաթել, շաղ տալ պանիր և դնել ջեռոցում՝ թխվելու։ Բավական է 10 րոպե:
Այժմ ռուլետը պատրաստ է, կարող եք զարդարել կանաչ սոխով և մատուցել։
Ստեղծե՛ք խոհարարական հրաշքներ մեզ հետ։
Բարի ախորժակ:
Տեսանյութ
Արագ և համեղ ընթրիք