Այսօր առաջարկում ենք ջեռոցում տապակել անսովոր Համեղ խոզի կողիկներ քաղցր ջնարակով:
Իհարկե, խոզի միսն ավելի հեշտ է կրակի վրա խորովելը, բայց այդ դեպքում պետք է մանղալի հնարավորություն ունենալ կամ եղանակը հարմար լինի պիկնիկների համար: Բայց այս բոլոր խնդիրները կարելի է հաշվի չառնել, եթե տանն ունեք ջեռոց և սիրում եք հետաքրքիր փորձարկումներ անել:
Այս եղանակով պատրաստված կողիկների հետ կարելի է մատուցել նաև մայոնեզի կամ մածունի հետ խառնած մանանեխ, յոգուրտ, սոյայի սոուս, չոր և թարմ կանաչիներ։
Բաղադրիչներում շագանակագույն շաքարի փոխարեն կարելի է մեղրը վերցնել, նույնպես հիանալի է. այն ոչ միայն համեղ է ստացվում, այլև բուրավետ: Չորացրած սխտորի փոխարեն կարելի է սովորական սխտոր օգտագործել, իսկ խորովածի սոուսի փոխարեն՝ ձեր սիրելի մսի սոուսը։
Համեղ խոզի կողիկներ. Հարկավոր են հետևյալ բաղադրիչները
— խոզի կողիկներ 1 կգ
— շագանակագույն շաքարավազ 2 — 3 ճաշի գդալ
— պապրիկա 3 թեյի գդալ
— չոր սխտոր 2 թեյի գդալ
— խորովածի սոուս, աղ և պղպեղ՝ ըստ ճաշակի
Համեղ խոզի կողիկներ. Պատրաստման եղանակը
_Լվանալ խոզի կողոսկրերը, չորացնել թղթե սրբիչներով։
_Շաղ տալ շաքարավազ, պղպեղ, սխտոր, աղ և սև պղպեղ անել։
_ Այս ամենով լավ շփել մսի կտորները։
_ Թխելու համար նախատեսված կաղապարը փայլաթիթեղով ծածկել և կողիկները շարել վրան, ծածկել փայլաթիթեղի շերտով։
_ Տապակը դնել 180 աստիճանիով տաքացված ջեռոցում և թխել 2 ժամ։
_ 2 ժամ անց հանել տապակը, հեռացնել փայլաթիթեղը, քսել խորովածի սոուս և հետ դնել ու տապակել ևս 15 րոպե 200 աստիճան ջերմաստիճանում։
Բարի ախորժակ:
Տեսանյութ
Խոզի միսը ջեռոցում