Համեղ հոթ դոգ. Կարող եք տանել որպես խորտիկ աշխատանքի կամ տալ երեխաներին նախաճաշի համար

Համեղ հոթ դոգ. Մեր բաղադրատոմսով խմորը շատ փափուկ է ստացվում, իսկ նրբերշիկները իրենք չեն կորցնում իրենց հյութեղությունը։ Միևնույն ժամանակ, պատրաստի հոթ դոգերը կարող են պահվել մի քանի օր, առանց հնանալու: Պարզապես պետք է դրանք  սառնարանից հանելուց հետո միկրոալիքային վառարանում մի փոքր տաքացնել:

Ոմանք նախընտրում են նրբերշիկը փաթաթել խմորի բարակ շերտով, իսկ ինչ-որ մեկը պատրաստում է այն հյուսքի տեսքով։ Ցանկության դեպքում խմորի վրա կարելի է ցանել սպիտակ և սև քնջութի սերմերով։ Անպայման փորձեք այս բաղադրատոմսը:

Համեղ հոթ դոգ. Բաղադրիչները

_ Ցորենի ալյուր 300 գ

_ Շաքարավազ 40 գ

_ Վանիլային շաքարավազ 4 գ

_ Դեղնուց 2 հատ

_ Խմորիչ 5 գ

_ Կաթ 150 գ

_ Աղ 1 պտղունց

_ Կարագ 25 գ

_ Արևածաղկի ձեթ 25 գ

Համեղ հոթ դոգ. Պատրաստման եղանակը

_Նախ պետք է պատրաստել թթխմորը: Դրա համար կաթը տաքացնել, ավելացնել խմորիչը, շաքարավազը և 100 գ ալյուրը։

_ Խառնել ամեն ինչ և թողնել տաք տեղում 10 րոպե:

_ Երբ փուչիկները հայտնվեն, խմորը հունցելիս ավելացրեք 1 ձվի դեղնուց և մնացած բաղադրիչները։ Խմորը չպետք է կպչի ձեր ձեռքերին:

_ Խմորը 1 ժամ թողնել տաք տեղում բարձրանա, հետո բաժանել 10 հավասար մասերի, ծածկել սրբիչով և թողնել ևս 20 րոպե։

_ Այնուհետև խմորի յուրաքանչյուր գունդ ձեռքերով երկարացնել դարձնելով շերտ, որը պիտի փաթաթեք նրբերշիկի շուրջը:

_ Խմորը կարող եք նաև գրտնակել տախտակի վրա՝ երկայնքով շերտեր կտրելով։ Այնուհետև ներսում դնել նրբերշիկը, իսկ դրա վրա շերտերով հյուսքեր անել։

_ Հում նրբերշիկներով խմորը դնել յուղաթղթով ծածկած ջեռոցի տապակի վրա, այնպես, որ դրանք իրար չդիպչեն։

_ Կրկին ծածկել սրբիչով և թող 20 րոպե բարձրանա։

_ Այնուհետև յուրաքանչյուր կտորի վրա քսել դեղնուցի և 2 ճաշի գդալ կաթի խառնուրդով և թխել 20 րոպե 190 աստիճան տաքացրած ջեռոցում մինչև ոսկե դարչնագույնը:

Հուշում. Չափազանց երկար նրբերշիկ մի գնեք, քանի որ այդ դեպքում ձեզ ավելի շատ խմոր կպահանջվի, քան կունենաք բաղադրատոմսում: Դրանց երկարությունը պետք է լինի 7-10 սմ սահմաններում։

Բարի ախորժակ:

Տեսանյութ

Տնական չիզբուրգեր