Համեղ նախուտեստ. Պարզ ուտեստի նոր և արագ բաղադրատոմս

Շատերն են նախընտրում պարզ ու համեղ նախուտեստ: Սրա նման համեղ նախուտեստ նախկինում կարելի էր գնել ցանկացած բուֆետում և ճաշարանում:

Առաջարկում եմ այս պարզ ուտեստի նոր և արագ բաղադրատոմս:

Համեղ նախուտեստ. Հարկավոր են հետևյալ բաղադրիչները

_մածուն 1 բաժակ

_ ձու 2 հատ

_ սոդա 1 թեյի գդալ

_ աղ 1 թեյի գդալ

_ ալյուր մոտ 450 գ

_ պանիր 100 գ

_ կանաչ սոխ 60 գ

Համեղ նախուտեստ. Պատրաստման եղանակը

_ Սենյակային ջերմաստիճանի մածունին ավելացնել աղ և ձու, հարել զանգվածը հարիչով։

_ Ալյուրը մաղել և խառնել սոդայի հետ, լցնել զանգվածի մեջ և հունցել խմորը։

_ Կանաչ սոխի լավ փունջ կտրատել, լցնել խմորի մեջ, խառնել։ Դուք կարող եք նաև ավելացնել ցանկացած թարմ կանաչիներ ըստ ճաշակի:

_ Քերել պանիր խոշոր քերիչով և ավելացնել խմորին։

_ Խմորը պետք է լինի փափուկ և ճկուն։

_ Սեղանին ալյուր ցանել ու շերտը գրտնակել մոտ 4 մմ հաստությամբ։

_ Կտրատել նեղ շերտերով:

_ Տաքացնել բուսայուղը և տապակել շերտերը մինչև ոսկեգույն դառնալը։

Նախուտեստն ուղղակի կատարյալ է՝ փխրուն կեղևով և փափուկ միջուկով: Սա հիանալի տարբերակ է նաև տոնական սեղանի համար, և դուք կարող եք ամեն օր պատրաստել:

Բարի ախորժակ:

Տեսանյութ