Հաշբրաուն ինչպես Մաք Դոնալդսում. Արագ և հեշտությամբ կպատրաստենք
Սա արագ սննդի ցանցի ամենատարածված ուտեստներից մեկն է: Ոսկե փխրուն կարտոֆիլի բլիթը, որը տապակվում է յուղի մեջ, ոչ մեկին անտարբեր չի թողնում: Այնուամենայնիվ, ձեր սիրած ուտեստը վայելելու համար հարկավոր չէ տնից դուրս գալ, քանի որ կարող եք ինքնուրույն պատրաստել այն: Բաղադրատոմսը բացարձակապես բարդ չէ և խնդրում է միայն համամասնությունները և պատրաստման տեխնոլոգիան պահպանել:
Ավանդական հաշբրաունը համարվում է բելառուսական կարտոֆիլով դրանիկների և չեխական բրամբրիկների «մոտիկ ազգականը»: Այն պատրաստվում է կարտոֆիլից և նվազագույն քանակությամբ կապակցող մթերքներից, որոնց շնորհիվ կարելի է ուտեստին տալ հստակ ձև: Ոսկեգույն կեղևով տաք ուտեստի համն անհամեմատելի է: Հաշվի առեք, որ այս ուտեստն ամենահամեղը ստացվում է փխրուն կարտոֆիլից:
Հաշբրաուն. Անհրաժեշտ բաղադրիչները.
- 500-600 գ կարտոֆիլ
- 1 ձու
- 1 ճաշի գդալ ցորենի ալյուր
- 1/2 թեյի գդալ շաքար
- 1 թեյի գդալ աղ
- տապակելու համար բուսական յուղ
Հաշբրաուն. Պատրաստման եղանակը.
- Մաքրած կարտոֆիլը խոշոր քերիչով քերել: Մաղով քամել՝ կարտոֆիլի ավելցուկային հյութը հեռացնելու համար: Կարտոֆիլը պետք է արագ քերել, որպեսզի չսևանա:
- Անմիջապես խաշել քերած կարտոֆիլը, այն կդառնա փափուկ և հեշտ կձևավորվի: Քամել կարտոֆիլը, վրան լցնել ալյուրը, աղը, շաքարավազը, կոտրել ձուն, լավ խառնել, զանգվածը պետք է դառնա միատարր:
- Խորը տապակման համար վերցնել զտված բուսական յուղ, այն լցնել կաթսայի մեջ այնքան, որ կարտոֆիլային «կոտլետները» մեջ լողան:
- Ձևավորել եռանկյունաձև կոտլետներ, և տապակել միննչև ոսկեգույն կեղև ստացվի:
Պատրաստի Հաշբրաունն, ինչպես McDonald’s- ում, կարելի է մատուցել տարբեր սոուսներով
Հաշբրաունը պատրաստ է: Հյուրասիրեք այս արագ սննդի բաղադրատոմսով տնական եղանակով պատրաստված ուտեստը: Երեխաներին շատ դուր կգա: Իսկ եթե ավելացնեք ավելի շատ կծու, ապապ լավագույն նախուտեստը կդառնա գարեջրային երեկոյի համար:
Բարի ախորժակ:
Տեսանյութ
Չիսբուրգերի պատրաստման եղանակը
