Հավը լավաշով ծրարներում. Նրբահամ ուտեստ
Մեզ համար ընթրիքն օրվա ամենակարևոր կերակուրն է: Ընթրիքի ժամանակ է, որ հավաքվում է ամբողջ ընտանիքը, և մենք բոլորս միասին կարող ենք սնվել տան սեղանի շուրջ: Բայց հաճախ աշխատանքից հետո ուժ չի լինում բարդ ու ժամանակատար բան պատրաստել: Նման դեպքերում ես հիշում եմ լավաշով ծրարների մասին:
Այս ուտեստի համար ձեզ հարկավոր չեն շատ բարդ բաղադրիչներ: Հիմնական բանը լավաշ ու հավի կրծքամիս ունենալն է: Մի քանի անգամ լավաշով ծրարներ պատրաստելուց հետո պահպանեք այս ուտեստի բաղադրատոմսը «ամենաարագները» բաժնում:
Հավը լավաշով ծրարներում. Անհրաժեշտ բաղադրիչները
- Հավի կրծքամիս 4 հատ
- Լավաշ 4 հատ
- Կոշտ պանիր 100 գ
- Թթվասեր 150 գ
- Ձու 1 հատ
- Մաղադանոս 1 փունջ
- Շամպինիոն 2 հատ
- Լոլիկ 1 հատ
- Սխտոր 1 պճեղ
- Աղ՝ ըստ ճաշակի
- Սև պղպեղ (աղացած)՝ ըստ ճաշակի
- Պապրիկա ՝ ըստ ճաշակի
Հավը լավաշով ծրարներում. Պատրաստման եղանակը
- Հավի կրծքամսի կտորների վրա խորը կտրվածքներ անել, դրանց վրա շաղ տալ աղ և պղպեղ:
- Լավաշից ծրարներ պատրաստելու համար այն երկու կողմերից ոլորել ոչ լրիվ: Դրանից հետո ներքևի մասը ծալել և ամրացնել ատամի չոփիկով: Նույնն անել վերևի մասի հետ:
- Խառնել 150 գ թթվասեր, քերած պանիր, պապրիկա, աղացած սխտոր և կտրատած մաղադանոս:
- Դնել հավի կրծքամսերը պատրաստած լավաշի ծրարների մեջ և դրանք շարել յուղաթղթով ծածկված ջեռոցի տապակի վրա:
- Սունկը և լոլիկը կտրել կես օղակներով և հերթով դնել հավի կրծքամսի կտրվածքների միջև: Ծրարների վրա լցնել պատրաստած սոուսով և ձու քսել:
- Թխել 40 րոպե 180 °C ջերմաստիճանում:
Հավի կրծքամսով լավաշով ծրարներն էլ ավելի բուրավետ դարձնելու համար եփելու ընթացում օգտագործեք ձեր սիրած համեմունքներն ու կանաչիները: Լավագույնն այն է, որ ուտեստը մատուցվի անմիջապես վառարանից հանելուց հետո, այդպես այն կլինի ավելի համեղն ու փափուկ:
Հավը լավաշով ծրարներում պատրաստ է:
Բարի ախորժակ:
Տեսանյութ
Լավաշով ռուլետ