Հավի բդիկներ. Ձեր մտերիմները միշտ կխնդրեն պատրաստել այս փափուկ և համեղ ուտեստը

Հավի բդիկներ. Ձեր մտերիմները միշտ կխնդրեն պատրաստել այս փափուկ և համեղ ուտեստը

Բաղադրատոմսի հիմնական գաղտնիքը մարինադի մեջ է, որը հավի միսը դարձնում է շատ քնքուշ և հյութալի: Ուտեստն իրենից ներկայացնում է համեղ, փխրուն կեղևով միս և խմորով ռուլետիկներ:

Հավի բդիկներ. Անհրաժեշտ բաղադրիչները

— Բդիկ 4 հատ

— Աջիկա 1 թեյի գդալ

— Թթվասեր 2 թեյի գդալ

— Բուսական յուղ 2 թեյի գդալ

— Սխտոր 2 պճեղ

Խմորը պատրաստելու համար պետք է

— Ալյուր 350 — 400 գ

— Ջուր 200 մլ

— Բուսական յուղ 1 ճաշի գդալ

— Աղ

Մարինադի համար հարկավոր է

— Սոխ 1 հատ

— Աղ պղպեղ

— Բուսական յուղ 2 ճաշի գդալ

Հավի բդիկներ. Պատրաստման եղանակը

_Լավ լվանալ և չորացնել բդիկները թղթե սրբիչով:

_Թթվասերը խառնել աջիկայի, ճզմած սխտորի և բուսական յուղի հետ:

_Բդիկները քսել այս խառնուրդով և թողնել սառնարանում մարինացվի 3-ից 4 ժամ:

_Ջրի մեջ խառնել աղ և բուսական յուղ, ավելացնել ալյուր և հունցել խմոր: Այն պետք է լինի ճկուն և փափուկ: Ծածկել խմորը և թողնել 30 րոպե:

_Գրտնակել խմորը բարակ շերտով:

_Այժմ մանր կտրատել սոխը և շաղ տալ խմորի վրա, որը նախապես պետք է յուղել բուսական յուղով:

_Սոխի վրա աղ և պղպեղ անել ըստ ճաշակի:

_Խմորը փաթաթել ռուլետի նման և կտրել մասերի:

_Քսել ջեռոցի տապակը յուղով, դնել բդիկները և ռուլետիկները՝ դրանք յուղելով բդիկների մարինադով:

_Պետք է եփել ուտեստը 180 աստիճանով մոտ 40-50 րոպե, մինչև փափկի:

Հուշում. Որպեսզի ռուլետիկները չոր չլինեն, դրանք պարբերաբար ցողեք բդիկներից հոսող հյութով:

Բարի ախորժակ:

Տեսանյութ

Խորոված հավի կրծքամիս