Հավի բլիթներ. Համեղ, արագ և նրբաճաշակ ուտեստ

Առաջարկում ենք պատրաստել հավի բլիթներ հեշտ ու պարզ եղանակով:

Առավոտյան համեղ նախաճաշելու համար երբեմն ժամանակ չի լինում: Ստիպված ենք լինում ոտքի վրա մի կտոր բան ուտել, կամ նույնիսկ սոված գնալ աշխատանքի, եթե չենք հասցրել ժամանակին արթնանալ:

Այնպես որ պետք է պատրաստել արագ ու հագեցնող նախաճաշ: Ամեն ինչ հեշտ ու պարզ անելու համար վերցրեք պատրաստի խմոր:

Այս համեղ բլիթները շատ հաճելի են, հավի մսի նուրբ միջուկով:

Հավի բլիթներ. Անհրաժեշտ բաղադրիչները

_Ֆիլո խմոր 450 գր

_Կարագ 100 գր

_Աղացած հավ 700 գր

_Սոխ 2 հատ

_Կարագ 70 գր

_Սերուցքային պանիր 300 գր

_Աղ, պղպեղ, համեմունքներ՝ ըստ ճաշակի

_Ձու 1 հատ

Հավի բլիթներ. Պատրաստման եղանակը

_Կտրել սոխը փոքր խորանարդներով և տապակել բուսական յուղի մեջ՝ մինչև կեսաեփ լինի:

_Ավելացնել աղացած հավը, լավ խառնել մինչև հարթվի և տապակել մինչև պատրաստ լինի:

_Ավարտից մի քանի րոպե առաջ աղ և պղպեղ անել, ավելացնել տարբեր համեմունքներ:

_Բարակ խմորի շերտին քսել հալած կարագ և եզրին դնել պանրի բարակ շերտ, վրան՝ միսը և ոլորել խողովակաձև, եզրերը կպցնելով իրար:

_Այսպես ձևավորել բոլոր ձողիկները և դրանք դնել ջեռոցի տապակի վրա, որը ծածկված է յուղաթղթով:

_Վրան քսել հարած դեղնուց և թխել 180 աստիճան տաքացած ջեռոցում մոտ 20-30 րոպե, ուղղորդվեք ըստ ձեր ջեռոցի:

Ռուլետները ստացվում են խրթխրթան կեղևով և փափուկ միջուկով, կարելի է մատուցել հենց այնպես կամ թթվասերով, տարբեր սոուսներով:

Հարմար է նաև որպես կողմնակի ուտեստների հավելում:

Բարի ախորժակ:

Տեսանյութ

Ծույլ լազանյա լավաշով