Առաջարկում եմ պատրաստել Հավի թևիկներ: Սա շատ համեղ նախուտեստ է, որը հաճախակի է դրվում մեր սեղանին:
Մեղրի սոուսը թևիկները դարձնում է պարզապես անմոռանալի ուտեստ:
Հավի թևիկներ. Անհրաժեշտ բաղադրիչները
_Հավի թևիկներ 1 կգ
_Օսլա 2,5 ճաշի գդալ
_Աղ 1 թեյի գդալ
_Պղպեղ 0,5 թեյի գդալ
_Պապրիկա 0,5 թեյի գդալ
_Համեմունքների խառնուրդ 0,5 թեյի գդալ
Սոուսը պատրաստելու համար ձեզ հարկավոր է
_Կետչուպ 100 գր
_Սխտոր 3 պճեղ
_Մեղր 1 թեյի գդալ
_Բուսական յուղ 1 թեյի գդալ
_Կիտրոնի հյութ 2 ճաշի գդալ
Հավի թևիկներ. Պատրաստման եղանակը
_Թևիկները լավ լվանալ, չորացնել թղթե սրբիչներով։
_Օսլան խառնել աղի և համեմունքների, պղպեղի և ըստ ճաշակի անուշաբույր կանաչիների խառնուրդի հետ։
_Թևիկները թաթախել այս չոր խառնուրդի մեջ։
_Ջեռոցի տապակին քսել բուսական յուղ, թեթևակի պաքսիմատ ցանել և թևերը շարել:
_Թխել 180 աստիճան ջերմաստիճանում մոտ 30-40 րոպե։
_Սոուսի համար խառնել բոլոր բաղադրիչները և դնել սառնարանը 3 րոպեով, որ սառչի։
Ընթրիքին մատուցեք ախորժելի հոտով թևիկներ այս սոուսով:
Կարող եք կետչուպը փոխարինել տնական աջիկայով կամ պատրաստել մանանեխի և մայոնեզի սոուս սխտորով։
Բարի ախորժակ:
Տեսանյութ
Խորոված հավի կրծքամիս