Հավի լյարդով նրբաբլիթներ. Նրբահամ, թեթև ուտելիք

Հավի լյարդով նրբաբլիթներ. Տոնական օրերից մեկի համար ես պատրաստեցի հավի լյարդի նրբաբլիթներ գազարով և կարտոֆիլով: Ի զարմանս ինձ՝ այն շատ արագ սպառվեց: Եվ ամենից շատ կերան այդ նույն չսիրողները:

Հետո սկսեցի ավելի հաճախ այս բլիթներ պատրաստել: Սկսեցի փորձարկումներ անել բաղադրության առումով: Երբեմն ավելացնում էի սեզոնային բանջարեղեն կամ թթվասերը փոխարինում մայոնեզով: Իմ սիրածը դդմիկովն էր, իսկ ամուսինս կողմ էր դասական բաղադրատոմսին: Լյարդով այս խորտիկը պատրաստեք և չեք փոշմանի:

Հավի լյարդով նրբաբլիթներ. Անհրաժեշտ բաղադրիչները

_Հավի լյարդ 250 գ

_Սոխ 1 հատ

_Գազար 1 հատ

_Սխտոր 2 պճեղ

_Կարտոֆիլ 1 հատ

_Թթվասեր 2 ճաշի գդալ

_Աղ՝ ըստ ճաշակի

_Սև պղպեղ (աղացած)` ըստ ճաշակի

_Ձու 1 հատ

_Ցորենի ալյուր 2-3 ճաշի գդալ

Հավի լյարդով նրբաբլիթներ. Պատրաստման եղանակը

_Լավ լվանալ լյարդը, թղթե սրբիչներով հեռացնել ավելորդ խոնավությունը, ապա մանր կտրատել մթերքը:

_Սոխը կտրատել խորանարդիկներով և խոշոր քերիչով քերել կարտոֆիլն ու գազարը:

_Հյութեղության համար կարող եք ավելացնել մի փոքր դդմիկ (ըստ ցանկության):

_Խառնել լյարդն ու բանջարեղենը, ավելացնել ձուն, թթվասերը, աղը և պղպեղը և ճզմել սխտորը, լավ խառնել:

_Ավելացնել ալյուր, նորից խառնել, ծածկել սննդային թաղանթով և դնել սառնարան 30 րոպե:

_Տաքացնել թավայի մեջ արևածաղկի ձեթը, գդալով նրբաբլիթներ ձևավորել ու դնել թավայի մեջ, տապակել դրանք երկու կողմերից, միջին կրակի վրա:

Հավի լյարդով նրբաբլիթները պատրաստ են:

Բարի ախորժակ:

Տեսանյութ

Տնական կոտլետներով չիզբուրգեր