Հավի խորոված ջեռոցում. Համեղ կերակուրը ձեզ հաճույք կպատճառի

Հավի խորոված ջեռոցում. Վստահաբար կարող եմ ասել, որ ուտեստը նույնիսկ ավելի համեղ և էլեգանտ է ստացվում, քան գրիլի վրա: Միշտ չէ, որ հնարավորություն է լինում դուրս գալ պիկնիկի: Բայց սա պատճառ չէ հրաժարվելու համեղ միս ուտելու գաղափարից:

Ջեռոցում պատրաստված հավի խորովածը բանջարեղենով կարելի է մատուցել նաև տոնական սեղանին: Իհարկե, հյուրերին դուր կգա նման գեղեցիկ ուտեստը: Կարտոֆիլով տապակած հավի փափկամիսը հիանալի կերպով լրացվում է թարմ բանջարեղենով: Ճաշատեսակին ավելի գեղեցիկ տեսք տալու համար խորհուրդ եմ տալիս օգտագործել տարբեր գույների բուլղարական պղպեղ:

Հավի խորոված ջեռոցում. Անհրաժեշտ բաղադրիչները

_Հավի ֆիլե 1 հատ

_Հունական յոգուրտ 3 ճաշի գդալ

_Կարտոֆիլ 8 հատ

_Լոլիկ 2 հատ

_Սալաթ այսբերգ (կամ կաղամբ) 0.5 հատ

_Վարունգ 0.5 հատ

_Բուլղարական պղպեղ 2 հատ

_Ձիթապտղի յուղ 2 ճաշի գդալ լ

_Պրովանսյան համեմունքներ 1 ճաշի գդալ

_Սխտոր 2 ատամ

_Կարմիր պղպեղ 0.5 թեյի գդալ

_Աղ ըստ ճաշակի

_Սև պղպեղ (աղացած) `ըստ ճաշակի

Հավի խորոված ջեռոցում. Պատրաստման եղանակը

_Լվանալ և չորացնել հավի փափկամիսը:

_Կտրել այն փոքր կտորներով, համեմել հունական յոգուրտով, ճզմած սխտորով, աղով և պղպեղով: Խառնել և մարինացնել առնվազն 2 ժամ:

_Լվանալ և մաքրել կարտոֆիլը: Կտրել այն մեջտեղից և դնել յուղաթղթով պատված ջեռոցի տապակի վրա: Յուրաքանչյուր կարտոֆիլի կեսի վրա դնել հավի մսի մի քանի շերտ:

_Ատամնափայտերով ամրացնել կառուցվածքը և 20 րոպեով դնել նախապես 180 ° C տաքացրած ջեռոցում:

_Կտրատել այսբերգ սալաթը: Կտրատել վարունգը խորանարդներով, իսկ բուլղարական պղպեղը՝ ձողիկներով:

_Համեմել բանջարեղենը ձիթապտղի յուղով, աղով, ավելացնել պրովանսյան համեմունքները և լավ խառնել:

_Միսը և կարտոֆիլը դրեք բանջարեղենի վրա՝ առանց փայտե շամփուրները հանելու:

Այժմ կարող եք ուտեստը մատուցել: Խորհուրդ եմ տալիս ճաշատեսակին ավելացնել ձեր սիրած սոուսը: Ես սովորաբար ընտրում եմ ամենապարզ թթվասերով և կանաչիներով սոուսը:

Բարի ախորժակ

Տեսանյութ

Հավի խորոված ջեռոցում