Հավի կոլոլակ. Անուշահամ ուտեստը կհագեցնի ձեր մտերիմների քաղցը
Կոլոլակները միշտ համեղ են: Սոուսով շոգեխաշած աղացած մսամթերքի այս կամ այն տարբերակն առկա է աշխարհի գրեթե բոլոր խոհանոցներում: Բայց, պատրաստումը կարող է տարբեր լինել: Այսօր առաջարկում եմ փորձել բլղուրով, դիետիկ աղացած հավի կոլոլակ: Այս բաղադրատոմսն իսկական աստվածային պարգև է ճիշտ սնվելու հետևորդների համար:
Ես բրնձով կոլոլակ էի պատրաստում` աղացած միսն ավելի լավ ամրացնելու համար: Մի անգամ տանը բրինձ չկար, և ես որոշեցի դրա փոխարեն բլղուր օգտագործել: Ուղղակի հրաշալի ստացվեց: Ինչպես հետագայում պարզվեց, ես Ամերիկա չեմ հայտնաբերել. Նման բաղադրատոմսերը հազվադեպ չեն հանդիպում ինտերնետում: Բրնձի փոխարեն հաճախ օգտագործվում է նաև հնդկաձավար կամ գարի: Բայց, քանի որ այս ուտեստն աներևակայելի համեղ է, կիսում եմ բաղադրատոմսը, անպայման փորձեք:
Հավի կոլոլակ. Անհրաժեշտ բաղադրիչները
_Հավի կրծքամիս 1 կգ
_Բլղուր 120 գ
_Սոխ 2 հատ
_Ձու 1 հատ
_Վարսակի թեփ 1 ճաշի գդալ
_Տոմատի հյութ 300 մլ
_Թթվասեր 3 ճաշի գդալ
_Ջուր 3 բաժակ
_Շաքարավազ 1 ճաշի գդալ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Սխտորի փոշի` ըստ ճաշակի
Հավի կոլոլակ. Պատրաստման եղանակը
_Բլղուրը մանրակրկիտ լվանալ, լցնել կաթսայի մեջ և եփել 10 րոպե:
_Մանրացնել սոխը բլենդերի մեջ՝ մինչև համասեռ լինի: Հավի կրծքամիսն աղալ մսաղացով:
_Խառնել հավի աղացած միսը, սոխի խյուսը և եփած բլղուրը: Ձուն հարել, համեմել համեմունքներով և ավելացնել վարսակի թեփը:
_Ձեռքերը ջրով թրջելով, ձևավորել գնդիկներ: Անմիջապես դնել դրանք բուսական յուղով յուղած տապակի մեջ:
_Տապակել կոլոլակները մինչև ոսկե դարչնագույնը, այնուհետև դրանք տեղափոխել կաթսայի մեջ:
_Խառնել տոմատի հյութը, թթվասերը և ջուրը՝ մաքուր տապակի մեջ: Լավ խառնել և համեմել աղով և պղպեղով` ըստ ճաշակի:
_Այնուհետև ավելացնել շաքարավազը և եփել թույլ կրակի վրա՝ 10 րոպե:
_Կոլոլակների վրա լցնել սոուսը, ծածկել տապակը և եփել ուտեստը 20 րոպե:
Ես շատ եմ սիրում այս բաղադրատոմսը: Աղացած հավի կոլոլակները անսահման քնքուշ և հյութալի են, լավ են պահում իրենց ձևը:
Բարի ախորժակ:
Տեսանյութ
Հավի կրծքամսով տապակա
