Սա գրեթե Հավի կոտլետների բաղադրատոմս է, բայց մի հետաքրքիր գաղտնիքով: Պարզապես պետք է խմորի մեջ ավելացնել մի փոքր կիտրոնի հյութ և վերջ, դուք ունեք նոր և օրիգինալ ուտեստ:
Հավի կոտլետներ. Անհրաժեշտ բաղադրիչները
_Հավի կրծքամիս 2 հատ
_Ձու 2 հատ
_Ալյուր 130 գր
_Աղ, պղպեղ, համեմունքներ՝ ըստ ճաշակի
_Կիտրոնի հյութ 2-3 ճաշի գդալ
Հավի կոտլետներ. Պատրաստման եղանակը
_Պատրաստել միսը, ինչպես միշտ, կտրել մասերով, թակել մուրճիկով և մարինացնել ըստ ցանկության, տարբեր համեմունքներով:
_Ձվերը հարել աղով և պղպեղով և ավելացնել կիտրոնի հյութ, խառնել:
_Կոտլետները թաթախել ալյուրի, ապա ձվի մեջ և տապակել:
_Կոտլետները փափուկ են և հյութալի, անուշաբույր, շատ քնքուշ է միսը ստացվում:
Եթե ցանկանում եք, կարող եք համեմունքների հետ միասին մսի վրա լցնել կիտրոնի հյութ և թողնել մարինացվի: Ամեն դեպքում կատարյալ է ստացվում: Ի դեպ, այս բաղադրատոմսը նույնիսկ ավելի հարմար է ձկների համար, պարզապես մի մոռացեք մի քիչ խնկունի ավելացնել:
Բարի ախորժակ:
