Հավի կրծքամիս ըստ Բլյումենտալի. Աներևակայելի համեղ և հյութեղ ջեռեփուկ
Հեստոն Բլյումենտալն աներևակայելի տաղանդավոր ինքնուս խոհարար է, ով սիրում է սննդի հետ կապված փորձեր կատարել: Խոհարարության ընթացքում տեղի ունեցող քիմիական և ֆիզիկական գործընթացները հասկանալու ցանկության և հետաքրքրության շնորհիվ նա հնարում է ծանոթ կերակուրներ պատրաստելու նոր եղանակներ:
Այս խոհարարական ալքիմիկոսը հորինեց հավի միս պատրաստելու հեղափոխական եղանակ, որը այն շատ հյութեղ է դարձնում: Բանն այն է, որ եթե թռչնամիսը պատրաստում եք բարձր ջերմաստիճանում, այն կծկվում է և բառացիորեն դուրս է մղում բոլոր հյութերը: Եթե ջեռոցում ջերմաստիճանը չափավոր է, հավը հիանալի կթխվի, իսկ հյութերը կմնան մսի մեջ:
Հավի կրծքամիս ըստ Բլյումենտալի. Անհրաժեշտ բաղադրիչները
- Հավի կրծքամիս 1 կգ
- Ջուր 1 լ
- Աղ 4 ճաշի գդալ
- Կարագ 2 ճաշի գդալ
- Ծովի աղ 1 թեյի գդալ
- Սխտորի փոշի 0.5 թեյի գդալ
- Սև պղպեղ (աղացած) 0,5 թեյի գդալ
- Պապրիկա 0,25 թեյի գդալ
Հավի կրծքամիս ըստ Բլյումենտալի. Պատրաստման եղանակը
- Նախ անհրաժեշտ է հավի կրծքամիսը մարինացնել աղի լուծույթի մեջ: Դա անելու համար խառնել 4 ճաշի գդալ սովորական աղը մեկ լիտր ջրի մեջ` սենյակային ջերմաստիճանում:
- Ընկղմել կրծքամիսն այդ լուծույթի մեջ 15-30 րոպե: Եթե բավարար ժամանակ ունեք, կրծքամիսն աղաջրի մեջ թողեք սառնարանում 4-8 ժամ:
- Միսը չորացնել և տեղադրել թխման կաղապարի մեջ, վրան քսել հալված կարագ, ցանել ծովի աղ և համեմունքներ:
- Հավը թխել 90 ° տաքացրած ջեռոցում 35–45 րոպե, այնուհետև հանել վառարանից և թողնել «հանգստանա» 45 րոպե:
- Համեղ ոսկեգույն կեղև ստանալու համար կրծքամիսը ևս 5-10 րոպե դնել 260 աստիճան տաքացրած ջեռոցում:
Բոլոր նրանք, ովքեր եփում են հավը Բլյումենտալի բաղադրատոմսով, նշում են մսի անհավանական համն ու հյութեղությունը: Փորձեք այս համը դուք նույնպես:
Հավի կրծքամիսն ըստ Բլյումենտալի պատրաստ է:
Բարի ախորժակ
Տեսանյութ
Հավի տապակա
