Հավի կրծքամիսը սերուցքային սոուսով. Համադամասերի ընտրությունը

Պատրաստենք Հավի կրծքամիսը սերուցքային սոուսով՝ մատչելի ու պարզ մթերքներով նրբահամ ուտեստ:

Կաթնային սոուսով այս կրծքամիսն արժանի է բարձրագույն գովասանքի: Սա ռեստորաններում ամենաշատ պահանջվող նրբահամ ուտեստներից մեկն է:

Բայց այնտեղ սերուցքով կրծքամիսը շատ թանկ է, իսկ մենք ձեզ կասենք, թե ինչպես պատրաստել այդպիսի համային բարձրագույն հմայքը մեր խոհանոցում:

Հավի կրծքամիսը սերուցքային սոուսով. Բաղադրությունը

_3 ճաշի գդալ ալյուր

_1 թեյի գդալ աղ

_1 թեյի գդալ սխտորի փոշի

_1/2 թեյի գդալ սև պղպեղ

_2 մեծ հավի կրծքամիս, որոնք հորիզոնականորեն բաժանվել են 4 մասի

_2 ճաշի գդալ բուսական յուղ

_4 ճաշի գդալ կարագ

Սոուս

_1 ճաշի գդալ կարագ

_250 գրամ սունկ

_4-5 պճեղ սխտոր

_3/4 բաժակ չոր սպիտակ գինի

_1 1/4 բաժակ հավի արգանակ

_3/4 բաժակ յուղալի սերուցք

_2 ճաշի գդալ թարմ մաղադանոս

Հավի կրծքամիսը սերուցքային սոուսով. Քայլ առ քայլ բաղադրատոմս

_Մի ամանի մեջ խառնել ալյուրը, աղը, սխտորի փոշին և պղպեղը: Լվանալ և չորացնել կրծքամիսը:

_Հալեցնել 1 ճաշի գդալ կարագը և 2 ճաշի գդալ բուսական յուղը կաթսա կամ թավայի մեջ միջին ջերմության վրա:

_Տապակել հավի կրծքամսի 2 կտորները մինչև երկու կողմից ոսկե դարչնագույն դառնա, այսինքն, յուրաքանչյուր կողմից մոտ 3-4 րոպե:

_Դնել առանձին ափսեի վրա, ծածկել փայլաթիթեղով և տաք պահել:

_Նույնն անել մնացած 2 հավի կրծքամսի կտորներով:

_Հավի մսի տապակելուց հետո հենց նույն թավայի մեջ հալել 1 ճաշի գդալ կարագ: Ավելացնել սունկը և 2-3 րոպե տապակել, մինչև դրանք շագանակագույն դառնալ:

_Ավելացնել սխտորը և տապակել մինչև պատրաստ լինելը, մոտ 1 րոպե:

_Լցնել գինին և արգանակը և շոգեխաշել մինչև հեղուկը կիսով չափ մնա և թանձրանա (մոտ 10-15 րոպե):

_Լցնել սերուցքը և հավի մսի կտորները գցել սոուսի մեջ: Եփել մինչև սոուսը լավ թանձրանա (մոտ 3 րոպե):

Զարդարել կտրատած մաղադանոսով և անմիջապես մատուցել:

Հավի կրծքամիսը սերուցքային սոուսով պատրաստ է:

Բարի ախորժակ:

Տեսանյութ

Հավով ռուլետ