Հավի կրծքամսով և մայոնեզով կոտլետներ. Թեթև ու դյուրամարս այս կոտլետները կհագեցնեն ձեր քաղցը և համի հաճույք կպատճառեն: Պատրաստվում են րոպեների ընթացքում և միշտ հաջող են ստացվում: Հիմնական բանը` դրանք չպետք է չափից շատ տապակել կրակի վրա, որպեսզի նրանք ստացվեն որքան հնարավոր է հյութեղ:
Այս բաղադրատոմսը պահանջում է նվազագույն քանակությամբ մթերքներ, որոնք կարելի է գտնել ամենուր:
Տվյալ դեպքում կրծքամիսը չի աղացվում, այլ պարզապես դանակով մանր կտրատվում է: Ստացվում է նուրբ ու հյութալի ուտեստ, որ սովորաբար մատուցում է պյուրե կարտոֆիլով:
Հավի կրծքամսով և մայոնեզով կոտլետներ. Անհրաժեշտ բաղադրիչներ
- Հավի կրծքամիս 1 կգ
- Հավի ձու 4 հատ
- Մայոնեզ 2 ճաշի գդալ
- Ալյուր 1 բաժակ
- Չոր համեմունքներ` ըստ ճաշակի
- Աղ` ըստ ճաշակի
Տապակման համար.
- Բուսական յուղ 50 գր
Հավի կրծքամսով և մայոնեզով կոտլետներ. Պատրաստման եղանակը
- Հավի կրծքամիսը կաշվից և ոսկորներից ազատել: Ցանկալի է վերցնել 67% յուղայնության մայոնեզ, այն ուղղակի իդեալական և բավարար թանձր է այս ուտեստի համար:
- Կտրել հավի միսը փոքր կտորներով: Այնուհետև հերթով կոտրել 4 ձուն, լցնել մայոնեզը, և ավելացնել ամբողջ ալյուրը: Պետք է դա անել աչքաչափով՝ համոզվելով, որ խմորը շատ պինդ չի դառնում: Համի ակտիվացման համար կարելի է ավելացնել մանրացված թարմ սխտոր կամ սխտորի փոշի, ինչպես նաև այլ նախընտրելի համեմունքներ:
- Պետք է բավարար խոնավ զանգված ստացվի: Թողեք այն որոշ ժամանակ մնա սառնարանում, մոտ 20 րոպե, դրանից հետո կարելի է սկսել պատրաստել:
- Լավ տաքացնել բուսական յուղը տապակի մեջ և դրա վրա լցնել մսային զանգվածի ճաշի գդալով՝ ձևավորելով կլոր բլիթներ: Տապակել դրանք մի կողմից միջին ջերմաստիճանի վրա 5-7 րոպե, մինչև դրանք վարդագույն դառնան և կիսով չափ պատրաստվեն:
- Շրջել կոտլետները մյուս կողմի վրա և տապակել ևս 5-7 րոպե, մինչև ամբողջությամբ եփվի: Հանել առաջին խմբաքանակը տապակից և տապակել հաջորդը: Այսպես պետք է տապակել ստացված ամբողջ զանգվածը:
Հավի կրծքամսով և մայոնեզով կոտլետները պատրաստ են, կարող եք մատուցել:
Այս ուտեստն այնքան ունիվերսալ է, որ ցանկացած կողային ճաշատեսակի հետ կհամադրվի: Կարելի է մատուցել հատիկեղենի, բանջարեղենի հետ: Ամեն ինչ կախված է ձեր ճաշակից և անձնական նախասիրություններից: Եվ մի մոռացեք աղցանի մասին:
Բարի ախորժակ:
Տեսանյութ
Կիևյան կոտլետներ
