Հավի միսը թթվասերի սոուսով. Անչափ համեղ ուտեստ, որը բոլորը կսիրեն

Հավի միսը թթվասերի սոուսով. Թավայի մեջ պատրաստվող, շատ պարզ բաղադրատոմսով, հավի մսով համեղ ճաշատեսակ է, որը լավ համադրվում է ցանկացած կողմնակի ուտեստի հետ:

Միսը պարզապես հալվում է բերանում, ստացվում է շատ փափուկ ու քնքուշ: Սոուսը շատ նուրբ և սերուցքային է՝ սխտորի նոտաներով: Փորձեք, երաշխավորում եմ, որ այս կերպ հավը հաճախ եք եփելու)

Հավի միսը թթվասերի սոուսով. Անհրաժեշտ բաղադրիչները

_Հավի ազդր կամ հավի այլ մասեր՝ 0,8 — 1 կգ

_Թթվասեր 20% — 200 գ

_Սոխ — 2 հատ

_Շաքար — մի պտղունց

_Կարագ — 20 գր

_Ալյուր — 1 ճաշի գդալ

_Ջուր կամ արգանակ — 200 գ

_Սխտոր — 2 — 5 պճեղ

_Աղ, սև պղպեղ` ըստ ճաշակի

_Դափնու տերև — 1 հատ

Հավի միսը թթվասերի սոուսով. Պատրաստման եղանակը

_Հավը ըստ ճաշակի աղ և պղպեղ անել: Տապակել ուժեղ կրակի վրա մինչև ոսկե դարչնագույնը, անհրաժեշտ չէ միսը ամբողջությամբ պատրաստի վիճակի բերել, պարզապես անհրաժեշտ է նրան տալ գեղեցիկ ոսկե դարչնագույն կեղև:

_Սոխը մանր կտրատել: Հեռացրեք միսը տապակից, և միջին կրակի վրա դրա մեջ տապակել սոխը մինչև թափանցիկ դառնա:

_Ավելացնել ալյուր, խառնել և տապակել 1-2 րոպե: Դրանից հետո ավելացնել ջուրը և թթվասերը, աղ և պղպեղ անել ըստ ճաշակի, վերադարձնել միսը, վրան լցնել ստացված սոուսը:

_Կափարիչի տակ շոգեխաշել ցածր կրակի վրա 25 րոպե:

_Վերջում ավելացնել մանր կտրատած սխտորը և դափնու տերևը, եփել ևս 5 րոպե, կափարիչով ծածկված:

Ճաշատեսակը պատրաստ է: Ստացվում է շատ համեղ, և պատրաստվում է շատ հեշտ:

Բարի ախորժակ

Տեսանյութ

Հավի մսով տապակա