Առաջարկում ենք պատրաստել համեղ ու հյութալի Հավի մսով լցոնած կոտլետներ, որոնց պետք չէ նույնիսկ ձու ավելացնել և դրանք շատ հեշտ են պատրաստվում:
Այս տարբերակում օգտագործվում է հավի աղացած միս, բայց կարող եք վերցնել ցանկացած այլ միս, այդպես նույնիսկ ավելի հյութալի կստացվեն։
Կոտլետների լցոնման մի քանի տարբերակ կա՝ սնկով, խաշած ձվով, թարմ լոլիկով, դդմիկով և այլն։ Մենք պատրաստելու ենք ամենապարզ տարբերակը՝ սոխով, կարտոֆիլով և պանրով, դրանք հյութալի են, հագեցնող և շատ համեղ։
Հավի մսով լցոնած կոտլետներ. Բաղադրիչներ
_Աղացած հավ — 400 գ
_Կարտոֆիլ — 2 հատ
_Կոշտ պանիր — 100 գ
_Սոխ — 1 հատ
_Մայոնեզ — 30 գ
_Աղ և պղպեղ — ըստ ճաշակի
_Համեմունք հավի համար — ըստ ճաշակի
_Բուսական յուղ — 1 ճաշի գդալ
Հավի մսով լցոնած կոտլետներ. Պատրաստման եղանակը
_Կարտոֆիլն ու սոխը մաքրել, լվանալ։
_Աղացած միսը լցնել խորը ամանի մեջ, ըստ ճաշակի ավելացնել աղ և պղպեղ, ավելացնել թռչնամսի համար ձեր սիրած համեմունքները և ամեն ինչ լավ խառնել։
_Տապակի մեջ տաքացնել բուսայուղը, տապակել մանր խորանարդիկներով կտրատած սոխը, մինչև փափկի։
_Աղացած մսից «շոռակարկանդակներ» ձևավորել, դնել փայլաթիթեղով պատված ջեռոցի կաղապարի մեջ։
_Սառած տապակած սոխը դնել յուրաքանչյուր մսաբլիթի փոսիկի մեջ։
_Կարտոֆիլը քերել բարակ շերտերով, գլխարկի պես դնել սոխի շերտի վրա, մի քիչ աղ ու պղպեղ անել, վրան լցնել մայոնեզ։
_Յուրաքանչյուր բլիթի վրա ցանել քերած կոշտ պանիր:
_Կաղապարը դնել մինչև 180 աստիճան տաքացրած ջեռոցում մոտ 40 րոպեով։
_Թխել կոտլետները «վերև / ներքև» ռեժիմում, կաղապարը դնելով ջեռոցի մեջտեղում:
Հավի մսով լցոնած կոտլետները մատուցվում են տաք վիճակում՝ որպես առանձին ուտեստ։
Վայելե՛ք։
Տեսանյութ
Կիևյան կոտլետներ
