Հավի մսով լցոնած պղպեղ. Ջեռոցում պատրաստվող հյութեղ ընթրիք
Այսօր ես որոշեցի ջեռոցում հավով պղպեղ պատրաստել: Այն ստացվեց այնքան բուրավետ ուտեստ, որ մի քանի րոպեից տան բոլոր անդամները խոհանոցում էին:
Պղպեղով խորտիկը շատ պարզ ու արագ է պատրաստվում: Հավի կրծքմսի թեթևակի տապակումը ալյուրով և համեմունքներով՝ միսը հյութեղ և փափուկ է դարձնում:
Դե, իհարկե ավելացնում ենք պանրի: Այն միշտ հատուկ համ է հաղորդում բանջարեղենին և մսեղենին: Իսկ երեխաները սիրում են դրա ձգվող թելերը: Ես անպայման էլի կպատրաստեմ:
Հավի մսով լցոնած պղպեղ. Անհրաժեշտ բաղադրիչները
- Բուլղարական պղպեղ 4 հատ
- Հավի կրծքամիս 1 հատ
- Աղ 0.5 թեյի գդալ
- Համեմունք մսի համար 1 թեյի գդալ
- Թթվասեր 2 թեյի գդալ
- Արևածաղկի ձեթ 1 ճաշի գդալ
- Ցորենի ալյուր 1 ճաշի գդալ
- Ջուր 70 մլ
- Պանիր 70 գ
- Լոլիկ 1 հատ
Հավի մսով լցոնած պղպեղ.Պատրաստման եղանակը
- Հավի կրծքամիսը փոքր կտորներով կտրել և տապակել արևածաղկի ձեթով:
- Ավելացնել աղ, համեմունք և ալյուր, լավ հարել:
- Հավի վրա թթվասեր և մի փոքր ջուր ավելացնել: Եփել միջին կրակի վրա,պարբերաբար խառնելով՝ մինչև սոուսը թանձրանա:
- Լվանալ պղպեղը, կտրել մեջտեղից, հեռացնել սերմերն ու ցողունը:
- Տեղադրել բանջարեղենի կեսերը ջեռոցի տապակի մեջ:
- Լցոնել պղպեղը հավի միջուկով, վրան ցանել քերած պանիր, դնել լոլիկի կտորները:
- Թխել 30 րոպե 200 ջերմաստիճանի տակ
Լցոնած պղպեղով նախուտեստը կարող է լիարժեք ընթրիք դառնալ: Առողջարար և չափավոր կալորիականությամբ ուտեստը կուրախացնի նույնիսկ նրանց, ովքեր հետևում են իրենց կազմվածքին: Բացի այդ, պղպեղը շատ հագեցնող է:
Հավի մսով լցոնած պղպեղը պատրաստ է:
Բարի ախորժակ:
Տեսանյութ
Լցոնած սմբուկ