Հավի մսով կոլոլակներ. Ջեռոցում թխած քնքշություն հաճելի ընթրիքի համար
Որքան էլ կանայք աշխատում են թեթև սնվել, որ չգիրանան ու թեթևության զգացումով ապրեն, միևնույն է, տղամարդկանց համար մսով ուտելիքներն անփոխարինելի են: Իհարկե, կանայք նույնպես սիրում են մսով համովություններ ուտել, դրա համար էլ առաջարկում ենք թեթև մսով համեղ ուտեստ պատրաստել:
Պետք է ընդամենը աղացած մսին սոխ ավելացնել և 30 րոպեում ճաշ կամ ընթրիք պատրաստել:
Հիանալի ուտեստ աղացած հավի մսով՝ սոխով և պանրով, հարուստ սերուցքային բույրով:
Հավի մսով կոլոլակներ. Հարկավոր են հետևյալ բաղադրիչները
- աղացած հավ 500 գ
- սոխ 1 հատ
- սխտոր 3 պճեղ
- պանիր 100 գ
- յուղալի սերուցք 100 մլ
- աղ
- պղպեղ
- համեմունքներ
- կանաչիներ
Հավի մսով կոլոլակներ. Պատրաստման եղանակը
- Սոխը մանր կտրատել և խառնել աղացած մսի հետ:
- Աղացած միսը համեմել աղով, պղպեղով և համեմունքներով ՝ ըստ ճաշակի:
- Սերուցքի մի մասը լցնել ջեռոցի հրակայուն ամանի մեջ:
- Աղացած մսից փոքր գնդիկներ պատրաստել, դրանք դնել ձևամանի մեջ և դնել այն 180 աստիճան տաքացրած ջեռոցում 20 — 25 րոպե:
- Մինչ ուտեստը թխվում է, քերել պանիրը միջին քերիչի վրա, խառնել սերուցքի և ճզմած սխտորի հետ:
- 20 րոպե անց լցնել այս զանգվածը կոլոլակների վրա և թխել ևս 15 — 20 րոպե մինչև ոսկե դարչնագույնը:
Հուշում. Մի ափսոսեք, առատորեն կանաչիներ ավելացրեք աղացած մսին, այդպես կոլոլակները շատ ախորժելի ու բուրավետ կլինեն:
Վերցրեք պանիր ձեր ճաշակով, այստեղ այն հաստատ ավելորդ չի լինի: Եթե սերուցք չունեք, յուղոտ թթվասերը կարագի մի կտորով նույնպես հիանալի կլինի:
Հավի մսով կոլոլակները պատրաստ են:
Բարի ախորժակ
Տեսանյութ
Իշլի քյուֆթայի մատուցման եղանակ
