Հավի մսով կոտլետներ. Ջեռոցում պատրաստվող եթերային, անուշաբույր, հյութալի և քնքուշ հավի կոտլետներ

Հավի մսով կոտլետներ. Համեղ, արագ, օրիգինալ կոտլետների ամենապարզ բաղադրատոմսը:

: Եվ շատ կարևոր է, որ դրանք դիետիկ են և ցածր կալորիականություն ունեն: Պատրաստվում են ավելի հեշտ քան կարելի է պատկերացնել, և շատ մատչելի մթերքներ են անհրաժեշտ:

Ցանկացած կողմնակի ուտեստ կարելի է մատուցել նման կոտլետներով ՝ կարտոֆիլի պյուրե, սպագետի, բրինձ, հնդկաձավար, բանջարեղեն և այլն: Կարելի է պատրաստել այս կոտլետները հանգստյան օրերին, դրանք երբեք չեն ձանձրացնի:

Անչափ համեղ է, պարզապես փորձեք:

Հավի մսով կոտլետներ. Անհրաժեշտ բաղադրիչներ

_Հավի կրծքամիս 1 կգ

_Ձու 1 հատ

_Սոխ 1 հատ

_Բոքոն հաց 400 գր

_Կարագ 20 գր

_Կաթ 50 մլ

_Սամիթ և մաղադանոս ըստ ճաշակի

_Աղ ըստ ճաշակի

Հավի մսով կոտլետներ. Պատրաստման եղանակը քայլ առ քայլ

_Հավի կրծքամիսը աղալ մսաղացով կամ մանրացնել բլենդերով:

_Ձուն խառնել աղացած մսին, ավելացնել մանրացրած սոխը, կաթի մեջ թաթախած և քամած հացը, աղ` ըստ ճաշակի: Ամեն ինչ լավ խառնել: Բացի աղից, աղացած մսին կարող եք ավելացնել համեմունքներ: Այնուհետև, ավելացնել սառեցված, քերած կարագը: Խառնել ամեն ինչ մանրակրկիտորեն:

_Լվանալ կանաչիները, մանրացնել և ավելացնել մսին: Կարող եք մսի զանգվածը լավ խառնել, որպեսզի դրա մեջ պարունակվող բոլոր բաղադրիչները հնարավորինս հավասարաչափ բաշխվեն, և այն հագեցնեն թթվածնով:

_Թաց ձեռքերով մսից պետք է ձևավորել փոքր չափերի կլոր կամ ձվաձև կոտլետներ: Սկզբի համար դրանք տապակել նախապես տաքացրած տապակի մեջ բուսական յուղով, միջինից կրակի վրա, 5-6 րոպե ամեն  կողմից` դրանք հասցնելով գեղեցիկ կարմրության:

_Այնուհետև անհրաժեշտ է յուղել տապակը կարագով, դրա մեջ շարել տապակած կոտլետները, տակը լցնել մի քիչ ջուր, դնում դափնու տերևը և դնում ջեռոցում, որը  նախապես տաքացված է մինչև 200 աստիճան: Տապակը ծածկեք փայլաթիթեղով և թխեք 15-20 րոպե, մինչև լավ եփվի:

Հավի մսով կոտլետները պատրաստ են:

Բարի ախորժակ:

Տեսանյութ

Խորոված Հավի կրծքամսով