Հավի մսով ձողիկներ. Նրբահամ հագեցնող ուտեստ

Համեղ և հյութալի Հավի մսով ձողիկներ կարող եք պատրաստել կարճ ժամանակում։

Հավի մսով ձողիկներ. Անհրաժեշտ բաղադրիչները

_Աղացած հավի միս 1 կգ

_Սոխ 1 հատ

_Ձու 2 հատ

_Եգիպտացորենի ալյուր 2 ճաշի գդալ

_Ալյուր 2 ճաշի գդալ

_Համեմունքներ 2 թեյի գդալ

_Կիտրոնի հյութ 2 ճաշի գդալ

_Կարագ 200 գր

_Կոշտ պանիր 100 գր

_Սամիթ՝ ըստ ճաշակի

_Մայոնեզ՝ ըստ ճաշակի

_Բուսական յուղ

Հավի մսով ձողիկներ. Պատրաստման եղանակը

_Աղացած հավի միսը համեմել համեմունքներով, աղով և պղպեղով, լցնել մի երկու ճաշի գդալ մայոնեզ և բլենդերով մանրացրած սոխը։

_Պանիրը քերել մանր քերիչով։

_Կարագը ձողիկներով կտրատել։

_Կանաչին մանր կտրատել։

_Խոհանոցային թաղանթի վրա աղացած մսով շերտեր պատրաստել՝ հնարավորինս բարակ:

_Մի ձողիկ կարագը թաթախել սամիթի մեջ և դնել աղացած մսով շերտերի մեջտեղում, թաղանթի օգնությամբ ծալել միսը, թաթախել ալյուրի մեջ։

_Հաջորդ կոտլետի մեջ կարագը փոխարինել պանրով և նույնպես փաթաթել աղացած մսի մեջ։

_Կոտլետները պատրաստել երկու տեսակով՝ մսով փաթաթել կարագը սամիթով կամ պանրով:

_Կոտլետները 30 րոպեով դնել սառցախցիկը։

_Խմորի համար ձվերը խառնել կիտրոնի հյութի, աղի հետ, ավելացնել քրքում, պապրիկա, չոր սխտոր, քառորդ բաժակ ջուր, եգիպտացորենի և սովորական ալյուր, ցանկության դեպքում՝ փխրեցուցիչ կամ քացախով մարած սոդա:

_Խմորը պետք է ստացվի ոչ շատ թանձր՝ թթվասերի խտության:

_Բուսական յուղը շատ տաքացնել, ձողիկները թաթախել խմորի մեջ և տապակել բոլոր կողմերից, մինչև ոսկե դարչնագույնը:

Բարի ախորժակ:

Տեսանյութ

Տապակած պանիր