Հավի մսով ռուլետ պատրաստելու համար անհրաժեշտ են ամենամատչելի ու սովորական մթերքներ: Այս նուրբ ռուլետը և՛ համեղ է, և՛ գեղեցիկ, բավականին էժան։
Այն կարող եք մատուցել հենց անմիջապես, տաք վիճակում կամ թողնել, որ ռուլետը սառչի, ապա 6 ժամով ուղարկել սառնարան, կտրատել շերտերով և մատուցել որպես սառը խորտիկ։
Հավի մսով ռուլետ. Անհրաժեշտ բաղադրիչները
— հավ 1,7 — 2 կգ
— աղ 1,5 թեյի գդալ
— պղպեղ ըստ ճաշակի
— պապրիկա կես թեյի գդալ
— սխտոր 4 պճեղ
— ձու 5 հատ
— կաթ 200 մլ
Հավի մսով ռուլետ. Պատրաստման եղանակը
_ Միսը առանձնացնել ոսկորներից՝ փորձելով չվնասել մաշկը։ Անհրաժեշտ է ստանալ մի մեծ ու ամբողջական կտոր միս, որը պետք է լավ ծեծել։
_ Մսին աղ, պղպեղ անել, շաղ տալ պապրիկա և ձեր սիրած համեմունքները, քսել ճզմած սխտոր, թողնել մարինացվի։
_ Ձվածեղի համար ձվերը խառնել կաթի հետ և լավ հարել, աղ անել:
_ Ձվածեղը կարող եք տապակել թավայի մեջ կամ թխել ջեռոցում։
_ Ջեռոցի տապակը յուղել բուսայուղով, վրան լցնել ձվի զանգվածը։
_ Ջեռոցը տաքացնել 180 աստիճանով և թխել 10 րոպե։
_ Ջեռոցի տապակը ծածկել փայլաթիթեղով, վրան դնել հավի ծեծա միսը, վրան դնել ձվածեղի շերտը և պինդ ռուլետ փաթաթել։
_ Ռուլետի վրա ցանել պապրիկա և փաթաթել փայլաթիթեղով։
_ Հավի մսով ուտեստը թխել 200 աստիճանով 60-70 րոպե։
Բարի ախորժակ:
Տեսանյութ
Ռուլետ հավի կրծքամսով