Այսօր պատրաստելու ենք Հավի մսով և բրնձով ապուր։
Ապուրներն անփոխարինելի են մեր սննդակարգում, իսկ նման պարզ, արագ պատրաստվող օգտակար, դիետիկ և միաժամանակ սննդարար ապուրը միայն կզարդարի ձեր սեղանը։
Содержание
Հավի մսով և Բրնձով ապուր․ Բաղադրատոմս
- Հավի միս — 500 գր․
- Բրինձ — 200 գր․
- Կարտոֆիլ — 250 գր․
- Սոխ — 1 գլուխ
- Գազար — 1 հատ
- Քաղցր պղպեղ — 1 հատ
- Դափնու տերև — 1-2 հատ
- Մաղադանոս — մեկ փունջ
- Աղ, պղպեղ
- Խնկածաղիկ չորացրած, ծիթրոն կամ չորացրած այլ կանաչեղեն ըստ ձեր նախասիրության։
Հավի մսով և Բրնձով ապուր․ Պատրաստման եղանակը
- Մոտ 1 լիտր ջուր ենք լցնում գազօջախին դրված կաթսայի մեջ և վրան ավելացնում նախապես մաքրած, լվացած և կտրատած հավի միսը,
- Մոտ 20 րոպեից այն կեփվի, այդ ընթացքում չենք մոռանում հավաքել ջրի վրա գոյացած փրփուրը։ Մսին աղը լցնում ենք եփելուց հետո, որպեսզի չկոշտանա։
- Սոխը կիսում ենք և հենց այդպես ավելացնում եփվող արգանակին, գաղտնիքն այստեղ այն է, որ սոխառած չենք անում մնացած ապուրների նման․ արդյունքում այս ապուրը ստացվում է նրբահամ, դիետիկ և յուրահատուկ համեղ,
- Լվացած դափնու տերևը ավելացնում ենք՝ ապուրին համային լրացուցիչ նոր երանգ ավելացնելու համար,
- Մանր կտրատված գազար ենք ավելացնում, ի դեպ այն միակ բանջարեղենն է, որը ջերմամշակումից չի կորցնում իր վիտամինները,
- Մոտ 5 րոպե եռալուց հետո ավելացնում ենք կտրատված կարտոֆիլը և լվացված բրինձը,
- 10 րոպե եռալուց հետո ավելացնում ենք մանր կտրատված քաղցր պղպեղն ու կանաչիները։
Մատուցելուց առաջ կարող եք մի փոքր կարագ ավելացնել, եթե նախընտրում եք յուղոտ ճաշերը։
Բարի ախորժակ։
