Հավի ռուլետների այս բաղադրատոմսն իսկական գտածո է: Այն չքնաղ համ է ունենում:
Առաջին անգամ այս ռուլետները փորձեցինք սրճարանում, այն ինձ շատ դուր եկավ և ես ասացի, որ դուրս չեմ գա սրճարանից, մինչև ինձ չտան բաղադրատոմսը: Շեֆ խոհարարը ստիպված եղավ ինձ հետ կիսել բաղադրատոմսը)) Սա, իհարկե, կատակ է:
Բայց իրականում, երբ դուք ընդամենը կարդաք բաղադրատոմսը, արդեն կցանկանաք պատրաստել, իսկ երբ պատրաստեք և փորձեք, ավելի քան ուրախ կլինեք:
Հավի ռուլետներ սնկով. Անհրաժեշտ բաղադրիչները
_200 գրամ շամպինիոն
_0,5 կգ կրծքամիս
_80 գրամ պանիր
_1 սոխ
_աղ / պղպեղ ըստ համտեսի
_100 մլ բուսական յուղ
_4-5 պճեղ սխտոր
_200 գրամ թթվասեր
_չորահացի փշուրներ
Հավի ռուլետներ սնկով. Քայլ առ քայլ բաղադրատոմս
_Կտրել սունկը, կեղևը մաքրել և կտրատեք սոխը: Սունկը և սոխը տապակել բուսական յուղի մեջ:
_Մուրճիկով ծեծել հավի միսը, ապա պղպեղ և աղ անել:
_Պատրաստել Հավի ռուլետների համար նախատեսված սոուս, դրա համար տապակած սխտորը խառնել թթվասերի հետ:
_Քերիչով քերել պանիրը:
_Տապակած սնկերը դնել պատրաստի ֆիլեի վրա, ապա վերևում պանիր ցանել:
_Փաթաթել, ամրացնել ատամի չոփիկներով կամ կապել թելով: Թաթախել չորահացի փշուրների մեջ:
_Տապակել տաքացրած բուսական յուղի մեջ երկու կողմերից, որպեսզի կեղևը ոսկե դարչնագույն լինի:
_Այնուհետև լցնել դրանց վրա ստացված սոուսը և շոգեխաշել արդեն փակ կափարիչի տակ:
Հավի ռուլետներ սնկով պատրաստ են: Մատուցեք և վայելեք գերագույն հաճույք:
Բարի ախորժակ: