Հավով ռուլետներ. Տոնական սեղանին հարմար, համեղ նախուտեստ
Սա հավով ռուլետի ամենահեշտ բաղադրատոմսերից մեկն է: Լցոնման հարցում դուք կարող եք ազատ լինել և ընտրել տարբեր մթերքներ:
Հավով ռուլետներ. Անհրաժեշտ բաղադրիչները
Որոշեք բաղադրիչների քանակը ինքներդ, որքան շատ պատրաստեք, այնքան ավելի համեղ կստացվի )
- Հավի կրծքամիս
- Խոզապուխտ
- Հալած պանիր
- Լոլիկ
- Աղ, համեմունքներ, կանաչիներ
Հավով ռուլետներ. Պատրաստման եղանակը
- Խոզապուխտը կարելի է վերցնել նախապես արդեն կտրված երկար կտորներով. Սա կօգնի ավելի արագ պատրաստել ուտեստը:
- Լավ լվանալ հավի կրծքամիսը, չորացնել թղթե սրբիչներով, կտրել մասերի և ծեծել յուրաքանչյուր կտորը:
- Համեմել աղով, պղպեղով, ձեր նախընտրած համեմունքներով և կանաչիներով: Թողնել 30 րոպե:
- Հավի մսի յուրաքանչյուր կտորի մեջտեղում դնել հալված պանրի մի կտոր և լոլիկի մի շերտ, ոլորել ռուլետը:
- Երկու շերտ խազապուխտ դնել՝ իրար վրա եկող շերտերով և փաթաթել դրանցով ռուլետը:
- Պատրաստի ռուլետները շարել ջեռոցի ամանի մեջ, տապակը պետք չէ յուղել:
- Դնել լոլիկի մնացած շերտերը ռուլետների միջև, շաղ տալ դրանց վրա տարբեր համեմունքներ:
- Ջեռոցը տաքացնել 180 աստիճանով և թխել մոտ 30 րոպե:
Հուշում. Ռուլետների մեջ կարող եք ավելացնել նաև բուլղարական պղպեղի շերտեր, տապակած շամպինիոններ: Հալած պանիրը կարող է փոխարինվել կոշտ պանրով, և թխման ավարտից 10 րոպե առաջ վրան կարող եք ցանել ապխտած պղպեղ, կտրատած կանաչիներ, մանրացված սխտորի հետ խառնած քերած պանիր:
Բարի ախորժակ:
Տեսանյութ
Ռուլետ հավի կրծքամսով