Հավով և կարտոֆիլով ջեռեփուկ. Այս բաղադրատոմսով առաջարկում ենք ջեռոցում կարտոֆիլը հավի հետ տապակել:
Երբ ուզում եք ընտանեկան ընթրիքի կամ մեծ ընկերության համար ուտեստ պատրաստել, անմիջապես գաղափար է առաջանում ջեռոցում կարտոֆիլ տապակել: Դա անելն իհարկե դժվար չէ, շատ հագեցնող ուտեստ է ստացվում և ամենակարևորը, որ բավականաչափ արագ է նախապատրաստվում:
Երկրորդ գաղափարն է, թե ինչով պետք է տապակել կարտոֆիլը: Դա նույնպես բարդ հարց չէ. Հնարավոր է պատրաստել մսով կամ բանջարեղենով, պանրով, կանաչիներով և այլն:
Եկեք սկսենք:
Հավով և կարտոֆիլով ջեռեփուկ. Անհրաժեշտ բաղադրիչներ
_Կարտոֆիլ — 0,5 կգ (6-10 հատ, միջին չափի)
_Հավի կամ հնդկահավի կրծքամիս — 0,5 կգ
_Թարմ կանաչիներ (մաղադանոս, սամիթ, ռեհան) — 1 փոքր փունջ
_Սոխ — 1 գլուխ
_Սխտոր — 2 պճեղ (ըստ ցանկության)
_Սերուցք 20% յուղայնության — 100 մլ (կարող եք վերցնել թթվասեր)
_Ձու — 1 հատ
_Աղ, պղպեղ` ըստ համտեսի
_Բուսական յուղ — ձևամանը յուղելու համար
Հավով և կարտոֆիլով ջեռեփուկ. Ինչպես պետք է պատրաստել
_Հավի կրծքամիսը կտրել խորանարդներով 1.5−2 սմ, լցնել ամանի մեջ, աղ անել, խառնել: Ավելացնել սոխ` կես օղակներով կտրատված, և սխտոր, որը նախապես նույնպես պետք է մանր կտրատել: Հավի միսը խառնել սոխով և սխտորով և թողնել մնա, մինչև կարտոֆիլը պատրաստվի:
_Մաքրել կարտոֆիլը, կտրել բարակ շերտերով: Դուք կարող եք դա անել հարմար քերիչով: Դրանից հետո կարտոֆիլը խառնել հավի մսի հետ:
_Մանր կտրատել կանաչիները, ավելացնել կարտոֆիլին և հավին, աղ, պղպեղ անել, մանրակրկիտ խառնել:
_Վերցնել ջերմակայուն ձևաման (ապակե կամ տեֆլոնե), յուղել այն, կարտոֆիլըով և հավով խառնուրդը լցնել մեջը, հնարավորինս հարթեցնել:
_Պատրաստել սոուսը, որի համար պետք է հարել ձուն և 1/3 թեյի գդալ աղը պատառաքաղով, ապա ավելացնել սերուցքը (կամ թթվասերը), մանրակրկիտ խառնել և լցնել նախապատրաստված կարտոֆիլի և հավի վրա:
_Նախապես տաքացնել ջեռոցը մինչև 180 ° C: Դրանից հետո տապակը դնել ջեռոցը 45-50 րոպե: Ջեռեփուկի պատրաստ լինելու մասին կհուշի ոսկեգույն կեղևը:
Կարտոֆիլն անմիջապես մատուցել տաք վիճակում, վրան ցանելով թարմ կանաչիներ:
Հավով և կարտոֆիլով ջեռեփուկը պատրաստ է:
Բարի ախորժակ և լավ տրամադրություն:
Եփեք սիրով, մատուցեք ժպիտով:
Տեսանյութ
Համեղ ջեռեփուկի վիդեոտարբերակ